Daxili İşlər Nazirliyi dünən Bərdə rayonunda bir nəfərin qonşusu tərəfindən topuğundan güllələnməsi haqda məlumat yayıb.
“Qafqazinfo”nun əldə etdiyi məlumata görə, qonşusunu güllələyən şəxs polis əməkdaşıdır.
Belə ki, sentyabrın 6-da Bərdə rayonunun Dəymədağıldı kəndi ərazisində kənd sakini Yusif Kərimov onu söyən qonşusu Aftandil Əliyevə tüfəngdən açdığı atəşlə topuq nahiyəsinə xəsarət yetirib. Y.Kərimov polis əməkdaşları tərəfindən saxlanılıb, ondan lüləsi və qundağı kəsilmiş “İJ” markalı ov tüfəngi götürülüb.
