veten informasiya agentliyi

“Android” sistemi ilə təchiz edilməyən ilk “Huawei” smartfonu ilin sonunadək buraxılacaq

Tarix:24-08-2020, 06:46
Baxış Sayı:76

“Android” sistemi ilə təchiz edilməyən ilk “Huawei” smartfonu ilin sonunadək buraxılacaq




“Google” əməliyyat sistemi ilə təchiz edilməyən ilk “Huawei” smartfonu ilin sonunadək buraxılacaq. Bu barədə “Global Times” nəşrinə şirkət rəhbərinə yaxın analitik Ma Tszihua bildirib. Onun sözlərinə görə, qurğu “Android” əvəzinə, “Huawei” şirkətinin istehsalı olan “HarmonyOS” əməliyyat sistemi ilə təchiz olunacaq.
Ekspert “HarmonyOS” sistemli ilk smartfon haqqında ətraflı məlumatın sentyabrın 10-12-də keçiriləcək “HDC 2020” tərtibatçılar konfransında veriləcəyini gözləyir. Bundan başqa, konfransda “Android 11” əsaslı “EMUI 11” interfeysi təqdim ediləcək və “HongmengOS 2.0” (HarmonyOS Çində belə adlanır) sisteminin imkanları barədə məlumat veriləcək. Yeni əməliyyat sistemi smartfonlarla yanaşı, “ağıllı” saat və bilərziklərlə, eləcə də avtomobil sistemləri və kompüterlərlə uyğunluq təşkil edəcək.
Texnologiyanı təsvir edən “Huawei” istehlak biznesinin rəhbəri Riçard Yu qeyd edib ki, “HarmonyOS” analoqlarından etibarlıdır, çünki onun mikronüvəsi kənar servislərindən qorunur, resursları daha səmərəli paylayır və ümumilikdə “Android” sistemindən fərqli olaraq daha sürətli işləyir.

“Huawei” şirkəti “HarmonyOS” sisteminin hazırlanmasını ötən il ABŞ hakimiyyəti tərəfindən tətbiq edilən sanksiyalar səbəbindən yerli şirkətlərlə əməkdaşlıq imkanından məhrum olduqdan sonra aktivləşdirib. Ötən həftə Çin şirkətinə “Android” yeniləmələrini birbaşa “Google”dan almaq hüququ verən müvəqqəti lisenziyanın qüvvədə olma müddəti başa çatıb. Buna baxmayaraq “Huawei” həm buraxılan, həm də gələcək qurğuların dəstəklənməsini davam etdirəcək.
“HarmonyOS” 2019-cu ilin avqustunda “Android”dən daha sürətli və təhlükəsiz əməliyyat sistemi kimi təqdim edilib. O, “ağıllı” dinamiklərdən tutmuş, qoşulmuş sensorlara qədər geniş qurğuları əhatə edir.

3 dekabr-Beynəlxalq Əlillər Günüdür
3 dekabr-Beynəlxalq Əlillər Günüdür
“COVID-19-la mübarizədə birlikdə güclüyük” vebinarı keçirilib
“COVID-19-la mübarizədə birlikdə güclüyük” vebinarı keçirilib
İsmayıllıda qazilərin ailələri növbəti dəfə ziyarət olunub
İsmayıllıda qazilərin ailələri növbəti dəfə ziyarət olunub
"Biz Qalibik! Qaliblər mühakimə olunmur." Müsahibimiz Millət Vəkili professor Rüfət Quliyevdir.
Azərbaycan İlahiyyat İnstitutunda dərslərin məsafədən keçirilməsi uğurla davam edir
Azərbaycan İlahiyyat İnstitutunda dərslərin məsafədən keçirilməsi uğurla davam edir
Pambıq yığımında orta məhsuldarlıq 33 sentnerə çatır - OPERATİV MƏLUMAT
Pambıq yığımında orta məhsuldarlıq 33 sentnerə çatır - OPERATİV MƏLUMAT
Səhiyyə Nazirliyi Respublika QİÇS-lə Mübarizə Mərkəzinin rəhbəri Azərbaycanda HİV ilə bağlı vəziyyətdən danışıb
Səhiyyə Nazirliyi Respublika QİÇS-lə Mübarizə Mərkəzinin rəhbəri Azərbaycanda HİV ilə bağlı vəziyyətdən danışıb
Gələn ilin əvvəlindən övladlığa götürülən hər uşaq üçün müavinət təyin olunacaq
Gələn ilin əvvəlindən övladlığa götürülən hər uşaq üçün  müavinət təyin olunacaq