Millət vəkili Novruz Aslanov seçicilərini qəbul etmək üçün iyul ayının 23-də İsmayıllı rayonuna növbəti səfərini edib. İsmayıllı şəhərində yerləşən ofisində sanitar tələblərə riayət olunaraq öz seçicilərini qəbul edib. Qəbula gələn hər bir sakinə sanitar-epidemioloji tələblər izah edilərək ehtiyac olduğu halda sakinlər görüşdən öncə qoruyucu maskalarla təmin ediliblər. Müraciətlər əsasən sosial yönümlü olub. Bəzi məsələlər yerindəcə həll edilib. Digər məsələlər qeydə alınaraq, əlaqədar qurumlara göndərilməsi nəzərdə tutulub.
Məlumat üçün bildirək ki, deputata edilən müraciətlərə əsasən sakinlərə gündəlik qida məhsulları və qeyri-ərzaq bağlamaları ilə yardımlar edilib. Pandemiya dövründə tətbiq olunan məhdudiyyətlər bu istiqamətdə tələbatı artırmışdır. Belə yardımlar mütəmadi olaraq ehtiyacı olan sakinlərə paylanılır.
