Çində kütləvi yol qəzası baş verib.
AZTB.info xəbər verir ki, Yunnan vilayətinin Kunmin-Çuçjou şosse yolunda 53 avtomobil toqquşub. İnsident nəticəsində 4 nəfər həlak olub.
Qəza səhər saatlarında meydana gəlib. Yerli polisdən verilən xəbərə görə, pis hava şəraiti qəzaya səbəb olub. Səhər saatlarında şaxta, sulu qar və qar yağdığı üçün sürüşən avtomobillər toqquşub.
Polisdən verilən məlumata əsasən, 4 nəfər həlak olub, 3 nəfər xəstəxanaya yerləşdirilib. Hadisə yerində xilasedicilər, təcili tibbi yardım briqadası və qəza xidmətinin əməkdaşları işləyir. Qəzaya görə yol bağlanıb.
