Türkiyə prezidenti Rəcəb Tayyip Ərdoğan bir açılış tədbirində önəmli açıqlamalar verib.
AZTB.info xəbər verir ki, Ərdoğan sərhəddə ordu quran ABŞ-ı tənqid edərək Afrin hərəkatının hər an başlaya biləcəyini qeyd edib.
Ərdoğan deyib: "Hərəkat hər an başlaya bilər. Sərhəddə 30 min nəfərlik ordu quran ABŞ sərhəd xətti boyunca bir terrorçu ordusu qurub. Bizim də işimiz terror ordusunu məhv etməkdir. Terrorçuların paltarlarındakı simvollarınızı sökün ki, terrorçularla bir yerdə olanları torpağa basdırmaq məcburiyyətində qalmayaq".
Ərdoğan ABŞ-ı sərt şəkildə tənqid edərək terrorçulara göndərilən 4.800 yük maşını silahın bir işə yaramayacağını eyd edib: "Türk Silahlı Qüvvələri Afrin və Menbiç məsələsini həll edəcək. Hazırlıqlar başa çatıb. Hər an hərəkata başlaya bilərik. Sonra isə digər bölgələrə də növbə çatacaq".
