Rusiya prezidenti Vladimir Putin BRICS (Braziliya, Rusiya, Hindistan, Çin, Cənubi Afrika) ölkələrinin zirvə görüşündə Şimali Koreya barədə açıqlama verib.
Xarici mediaya istinadən xəbər verir ki, ABŞ-ın Şimali Koreyaya qarşı sanksiyaların daha da sərtləşdirməsinin problemi həll etməyəcəyini deyən Putin bildirib ki, sanksiyalar qarşı tərəfin hərbi isteriyasının artmasına, hətta qlobal fəlakətə səbəb ola bilər.
Putin bundan əlavə ABŞ-la əlaqələr və Suriyadakı vəziyyətə də toxunub. Ölkədəki ABŞ-lı diplomatların sayını azaltmaq hüquqlarının olduğunu, lakin bunu etməyəcəklərini deyib və qeyd edib ki, ABŞ-dakı rusiyalı diplomatların sayını 155-ə salmaq barədə fikirləşirlər. Rusiya prezidenti həmşinin "Suriyadakı terrorçu qrupların tamamilə məğlub olduğunu deyə bilmərik, amma son dövrlərdə vəziyyət hökümət qüvvələrinin xeyrinə dəyişməkdədir. Terrorçuların məhv edilməsinə və atəşkəs bölgələrinin artırılmasına çalışacağıq" fikirlərini səsləndirib.
