https://via.az/ az https://via.az/gundem/33554-ran-hmin-sndi-son-mzakir-n-parlament-gndrdi.html https://via.az/gundem/33554-ran-hmin-sndi-son-mzakir-n-parlament-gndrdi.html 33554 Sun, 23 Aug 2026 12:47:02 +0400 native-yes


İran Omanla güzəştli ticarət sazişi üzrə inzibati prosedurları yekunlaşdırıb və sənədi son müzakirə üçün parlamentə göndərib.

Bu barədə “Tehran Times” məlumat yayıb.

İranın Ticarətin Təşviqi Təşkilatının Qərbi Asiya idarəsinin direktoru Əbdülamir Rabihavi bildirib ki, deputatların sazişi artıq gələn ay müzakirə edəcəyi gözlənilir.

Onun sözlərinə görə, son iki ildə İran ticarət diplomatiyası, həmçinin region ölkələri ilə sərhəd və liman infrastrukturunun inkişafı sahəsində əhəmiyyətli irəliləyiş əldə edib. Tehran qonşu dövlətlərlə ticarət mübadiləsini sadələşdirmək və genişləndirmək niyyətindədir.

İran və Oman həmçinin gömrük əməkdaşlığını fəallaşdırırlar. İyunun sonunda hər iki ölkənin gömrük xidmətlərinin rəhbərləri gömrük məsələlərində qarşılıqlı inzibati yardım haqqında sazişin praktiki icrası barədə razılığa gəliblər və onun icrasına nəzarət üçün birgə komitənin yaradılmasını təklif ediblər.

Tərəflər qaçaqmalçılıq və gömrük pozuntularına qarşı mübarizədə təcrübə mübadiləsi aparmağı, gömrük orqanları rəhbərlərinin müntəzəm görüşlərinin keçirilməsini, eləcə də hər iki ölkənin limanlarına və gömrük məntəqələrinə mütəxəssislərin səfərlərinin təşkilini nəzərdə tuturlar.

Omanla ticarət əlaqələrinin inkişafı ikitərəfli münasibətlərin möhkəmləndirilməsi istiqamətlərindən birinə çevrilib. 2025-ci ilin mayında İran prezidenti Məsud Pezeşkianın Məsqətə səfəri zamanı ölkələr müxtəlif sahələrdə, o cümlədən iqtisadiyyat, energetika, nəqliyyat, texnologiya, səhiyyə və dağ-mədən sənayesi daxil olmaqla 18 anlaşma memorandumu imzalayıblar.

Oman sultanı Heysəm bin Tariq o zaman hər iki ölkənin limanları arasında əlaqələrin genişləndirilməsinin vacibliyini bəyan etmiş və İran vasitəsilə həyata keçirilən dəmir yolu daşımalarının ticarət əhəmiyyətini qeyd etmişdi. Öz növbəsində Pezeşkian Tehranın Omanla bütün sahələrdə əməkdaşlığı inkişaf etdirməyə hazır olduğunu bildirmişdi.]]> https://via.az/gundem/33538-azrbaycanda-taplan-sirli-da-kr-dnya-alimlrinin-diqqtind-cnubi-qafqazda-indiy-qdr-akarlanan-he-bir-yaya-bnzmir.html https://via.az/gundem/33538-azrbaycanda-taplan-sirli-da-kr-dnya-alimlrinin-diqqtind-cnubi-qafqazda-indiy-qdr-akarlanan-he-bir-yaya-bnzmir.html 33538 Sat, 22 Aug 2026 10:33:04 +0400 native-yes

Amerikanın Arxeologiya İnstitutunun nüfuzlu "Archaeology Magazine" elmi jurnalında Cəlilabad rayonunda tapılan daş kürə barədə məqalə dərc olunub.

Bu barədə "Report"a Azərbaycan Milli Elmlər Akademiyasının Arxeologiya və Antropologiya İnstitutunun baş elmi işçisi, tarix elmləri doktoru, dosent Vəfa Mahmudova məlumat verib.

Məqalədə daş kürənin Cənubi Qafqazda indiyə qədər tapılmış heç bir əşyaya bənzəmədiyinə diqqət çəkilib və onun ritual funksiyası daşımış ola biləcəyi bildirilib.

Xatırladaq ki, tapıntı iyul ayında Vəfa Mahmudovanın rəhbərliyi ilə Paşatəpə abidəsində aparılan arxeoloji qazıntılar zamanı üzə çıxarılıb.

Daha əvvəl sözügedən tapıntı barədə Böyük Britaniyanın elmi-populyar nəşrlərindən biri olan "Heritage Daily"də məqalə yayımlanmışdı.]]> https://via.az/gundem/33527-bu-razilr-azrbaycana-qaytarlr-ermnistan-ikiy-blnck.html https://via.az/gundem/33527-bu-razilr-azrbaycana-qaytarlr-ermnistan-ikiy-blnck.html 33527 Fri, 21 Aug 2026 11:00:29 +0400 native-yes

Ermənistanın baş naziri Nikol Paşinyanın anklavlarla bağlı səsləndirdiyi fikirlər ölkəsində ciddi müzakirələrə səbəb olub. Erməni baş nazir bildirib ki, Kərki, Bərxudarlı və Yuxarı Əskipara Azərbaycan ərazisidir. O, anklav olan bu kəndlərin Azərbaycana qaytarılacağını deyib. Əlavə edib ki, “xəritələrin reallığa uyğun gəlmədiyi digər ərazilər də var – Cermukda (İstisu), Vayots Dzorun (Dərələyəz) digər rayonlarında və həmçinin Tavuşda. Məsələ həll olunmalıdır, lakin hərbi seçim olmadan”. Paşinyan Başkəndlə bağlı “erməni anklavı” iddiasını da yenidən təkrarlayıb.

Ermənistan müxalifəti baş nazirin açıqlamasını Azərbaycana yeni ərazilərin qaytarılacağının anonsu kimi qiymətləndirir.

Respublika Partiyasının sözçüsü Eduard Şarmazanov Ermənistan hakimiyyətinin güzəşt seriyasını davam etdirdiyini iddia edib.

“Baş nazir artıq Tiqranaşeni Kərki adlandırır və Azərbaycana təhvil verməyə hazırlaşır”, - o bildirib.

“Ermənistan” fraksiyasının deputatı Artur Xaçatryan bildirib ki, Kərkinin Azərbaycana qaytarılmasından sonra strateji çətinliklər yaranacaq.

“Tiqranaşen (Kərki-red) Ermənistan üçün həyati əhəmiyyət kəsb edir. Əgər bu kənd Azərbaycana qaytarılsa və azərbaycanlılar orada baza qursalar, Ermənistan yarıya bölünəcək”, - erməni deputat iddia edib.

“Hraparak” nəşri isə Nikol Paşinyanı Azərbaycan və Türkiyəyə işləməkdə ittiham edib. Nəşr yazır ki, Ermənistan hakimiyyəti təkcə anklavları yox, sərhəd bölgəsində bir çox ərazini Azərbaycana qaytaracaq.

Ermənistanın baş nazirinə qarşı səslənən bu ittihamlar revanşistlərin təbliğat kampaniyasının tərkib hissəsidir. Paşinyan əslində erməni ictimaiyyətinə reallığı çatdırmağa çalışır. Çünki Kərki və Qazaxın üç anklav kəndi Azərbaycana məxsusdur, bununla yanaşı, SSRİ dövründə bir çox ərazimiz “otlaq və əkin” sahəsi adı altında ermənilərə verilib. Qarabağın işğalı dövründə isə Ermənistan sərhədin bir çox hissəsini qanunsuz olaraq irəli çəkib. Bütün bu məsələlər delimitasiya prosesində həll ediləcək və həm anklav kəndlər, həm də sərhəd bölgəsindəki ərazilər Azərbaycana qaytarılacaq.]]> https://via.az/gundem/33526-taliyada-ruslarn-pasportlar-msadir-olundu-n-ba-verir.html https://via.az/gundem/33526-taliyada-ruslarn-pasportlar-msadir-olundu-n-ba-verir.html 33526 Fri, 21 Aug 2026 10:58:02 +0400 native-yes

Rusiyadan İtaliyaya getmək istəyən turistlər Şengen vizalarının gecikdirilməsindən şikayətlənirlər.

Rusiyalı Aleksandra mayın 14-də Moskvadakı Almaviva viza mərkəzinə sənədlərini təqdim edib. Onun uçuşu iyulun 19-na planlaşdırılıb. Həmin vaxt vizaların 45-60 günə verildiyi bildirilsə də, avqustun ortalarına qədər cavab ala bilməyib. Nəticədə aviabilet və otel rezervasiyaları qüvvədən düşüb. Qadın ümumilikdə 8 min avro itirdiyini deyib.

Digər rusiyalı Lyudmila isə mayın 27-də İtaliya vizası üçün müraciət edib. Onun iyulun 27-nə planlaşdırılan səfəri vizanın gecikməsi səbəbindən baş tutmayıb. Lyudmila sənədlərinin araşdırıldığını bildirsə də, pasportunun hələ də geri qaytarılmadığını və vizanın verilib-verilməyəcəyini bilmədiyini söyləyib.

Rusiyalı turistlər Moskvadakı viza mərkəzlərində boş yerlərin azlığından və vasitəçilərin xidmətlərindən də narazıdırlar. Onların iddiasına görə, viza üçün növbə əldə etmək 10-20 min rubla başa gəlir.

Qeyd edək ki, daha əvvəl Türkiyə Hava Yolları Şengen vizası olan rusiyalı sərnişini İtaliyaya uçuşa buraxmayıb. Buna səbəb vizanın EES sisteminə yüklənməməsi olub.]]> https://via.az/gundem/33513-rusiya-kiyev-ktlvi-zrb-endirdi-bu-obyektlr-vuruldu.html https://via.az/gundem/33513-rusiya-kiyev-ktlvi-zrb-endirdi-bu-obyektlr-vuruldu.html 33513 Thu, 20 Aug 2026 11:37:38 +0400 native-yes

Rusiya ordusu Kiyevə kütləvi zərbələr endirib.

Bu barədə Rusiya Müdafiə Nazirliyi məlumat yayıb.

Bildirilib ki, gecə saatlarında Rusiya Silahlı Qüvvələri uzaqmənzilli pilotsuz uçuş aparatları, həmçinin qurudan, havadan və dənizdən buraxılan yüksək dəqiqlikli silahlardan istifadə edib.

Nazirliyin məlumatına görə, Kiyevdə hərbi sənaye müəssisələri, pilotsuz uçuş aparatlarının istehsalı və yığılması ilə məşğul olan obyektlər, eləcə də sursat anbarı vurulub.

Kiyev vilayətində isə Martusovka nəqliyyat-logistika mərkəzi və Brovarıdakı yanacaq-sürtkü materialları anbarının hədəfə alındığı bildirilib. Rusiya tərəfi anbarda Ukrayna Silahlı Qüvvələri üçün nəzərdə tutulan 8 min kubmetrə qədər yanacağın saxlanıldığını iddia edib.

Bundan əlavə, avqustun 19-u axşam saatlarında Çernomorsk və Yujnı limanlarında hərbi əmlakın saxlanıldığı anbarlara zərbələr endirildiyi açıqlanıb.]]> https://via.az/gundem/33498-trkiyd-viza-bhran-bo-qbul-vaxtlar-satlr-qara-bazar.html https://via.az/gundem/33498-trkiyd-viza-bhran-bo-qbul-vaxtlar-satlr-qara-bazar.html 33498 Tue, 18 Aug 2026 12:34:49 +0400 native-yes

Türkiyədə Şengen vizası üçün müraciət edənlər ciddi problemlə üzləşib. Viza mərkəzlərində boş qəbul vaxtlarının çatışmazlığı səbəbindən onların qeyri-qanuni satışı ilə məşğul olan bazar (slot bazar) formalaşıb.

Viza mərkəzlərində sənəd qəbulu üçün boş vaxtlar açıldıqdan cəmi bir neçə saniyə sonra tükənir. Boş qəbul vaxtlarının əhəmiyyətli hissəsinin xüsusi botlar vasitəsilə avtomatik tutulduğu bildirilir.

Yüksək tələbatdan istifadə edən vasitəçilər isə viza mərkəzində qəbul üçün növbəni əlavə ödəniş qarşılığında satırlar. Rusiya və digər ölkələrdən olan vətəndaşların belə bir qəbul üçün 250 avroya qədər pul ödədiyi qeyd olunur.

Müraciət edənlərdən biri bildirib ki, boş vaxt əldə etmək üçün agentliyə müraciət edib. Agentlik dörd ay ərzində bot vasitəsilə boş yer tutmağa çalışsa da, nəticədə qeydiyyatı həyata keçirə bilməyib.

Problemin bir neçə Avropa ölkəsinə yayıldığı bildirilir. Sənəd qəbulu üçün boş yerlər sistemdə göründükdən cəmi bir neçə dəqiqə sonra tükənir.

Türkiyə hakimiyyəti artıq qanunsuz “viza növbəsi” ticarətinə qarşı mübarizəyə başlayıb. Keçirilən əməliyyatlardan birində belə sxemləri təşkil etməkdə şübhəli bilinən 42 nəfər saxlanılıb.]]> https://via.az/gundem/33494-ba-nazir-qrar-imzalad.html https://via.az/gundem/33494-ba-nazir-qrar-imzalad.html 33494 Tue, 18 Aug 2026 12:28:31 +0400 native-yes

Nazirlər Kabineti Müdafiə Nazirliyinin büdcədən maliyyələşdirilən hərbi hissələrində dövlət qulluqçusu olmayan mülki işçilərin əməyinin ödənilməsi qaydalarını təsdiqləyib.

Bununla bağlı Baş nazir Əli Əsədov qərar imzalayıb.

Qərarla həmin hərbi hissələrdə çalışan mülki işçilərin əməyinin ödənilməsi sisteminin, növlərinin və məbləğlərinin müəyyən edilməsi Qaydaları təsdiq edilib.

Sənədə əsasən, Müdafiə Nazirliyinə qərardan irəli gələn məsələlərin həlli tapşırılıb.

Qərar 2026-cı il yanvarın 1-dən tətbiq edilir.]]> https://via.az/gundem/33491-azrbaycandan-ermnistana-bu-qdr-mhsul-ixrac-edildi.html https://via.az/gundem/33491-azrbaycandan-ermnistana-bu-qdr-mhsul-ixrac-edildi.html 33491 Mon, 17 Aug 2026 11:21:16 +0400 native-yes

2026-cı ilin yanvar-iyul aylarında Azərbaycandan Ermənistana 17 milyon 372,10 min dollar dəyərində məhsul ixrac edilib.

Müvafiq göstərici ölkənin ümumi ixracının 0,9 faizini təşkil edib.

Hesabat dövründə Azərbaycan Ermənistandan 960 dollar dəyərində məhsul idxal edib.]]> https://via.az/gundem/33484-bakda-pakistann-mstqillik-gnn-hsr-olunmu-tdbir-keirildi.html https://via.az/gundem/33484-bakda-pakistann-mstqillik-gnn-hsr-olunmu-tdbir-keirildi.html 33484 Fri, 14 Aug 2026 10:11:03 +0400 native-yes

Bu gün Pakistanın Müstəqillik Günü münasibətilə ölkənin Azərbaycandakı səfirliyində təntənəli tədbir keçirilib.

Rəsmi mərasim Qurani-Kərim tilavəti ilə başlayıb.

Daha sonra Pakistanın Azərbaycandakı fövqəladə və səlahiyyətli səfiri Qasım Mohiuddin ölkəsinin dövlət bayrağını ucaldıb.

Dövlət himninin səsləndirilməsinin ardından, Pakistan Prezidenti Asif Əli Zərdari və Baş nazir Şahbaz Şərifin Müstəqillik Günü münasibətilə xalqa ünvanladıqları təbrik müraciətləri oxunub.

Tədbirdə bu tarixi günün əhəmiyyəti vurğulanıb, regionda və dünyada sülhün, əmin-amanlığın bərqərar olması üçün dualar edilib.

Maraqlı məqamlardan biri isə azərbaycanlı tələbələrin qonaq qismində urdu dilində çıxışlar etməsi olub.

Rəsmi hissənin sonunda səfir Qasım Mohiuddin çıxış edərək iki ölkə arasındakı qardaşlıq münasibətlərindən danışıb.

Mərasim qonaqlar üçün təşkil olunmuş ziyafətlə başa çatıb.]]> https://via.az/gundem/33483-ermnistan-bu-kndi-azrbaycana-qaytaracaq.html https://via.az/gundem/33483-ermnistan-bu-kndi-azrbaycana-qaytaracaq.html 33483 Thu, 13 Aug 2026 11:35:15 +0400 native-yes
Ermənistan hökuməti Konstitusiya dəyişikliyinə dair referendumundan sonra anklavlar məsələsini müzakirə etməyə başlayacaq.

Bu barədə “Hraparak” ölkənin rəsmi mənbələrinə istinadla məlumat yayıb.

Nəşr yazıb ki, əsas müzakirə mövzusu Azərbaycanın sərhəddə yerləşən anklavı Kərki ilə bağlıdır. Mənbə qeyd edib ki, Nikol Paşinyan hökuməti hələlik məsələnin müzakirəsini təxirə salmaq qərarına gəlib, çünki referendumdan əvvəl kəndin Azərbaycana qaytarılması hakimiyyətin daxildəki nüfuzuna ciddi ziyan vuracaq və bu, Konstitusiya dəyişikliyi planını poza bilər.

“Hakim “Vətəndaş Müqaviləsi” Partiyasının bəzi üzvləri Kərkinin Başkəndlə dəyişdirilməsində israr edirlər. Amma Baş nazir Nikol Paşinyan buna qarşı çıxır”, - nəşr qeyd edib.

Xatırladaq ki, Ermənistan Naxçıvan Muxtar Respublikasının Kərki kəndi ilə yanaşı, Qazax rayonunun Sofulu, Yuxarı Əskipara və Barxudarlı yaşayış məntəqələrini də Azərbaycana qaytarmalıdır. (Teleqraf)]]>