https://via.az/ iqtisadiyyat - Via.az true https://via.az/gundem/33533-qzl-v-gm-bahalad.html admin1 gundem / iqtisadiyyat Sat, 22 Aug 2026 10:25:52 +0400

Nyu-York birjasında qızıl və gümüşün qiyməti artıb.

COMEX əmtəə birjasında qızıl fyuçerslərinin dəyəri 1.97% artaraq 4.662 ABŞ dollarına bərabər olub.

COMEX-də gümüşün unsiya üzrə fyuçersləri isə 1.33% bahalaşaraq 69.01 ABŞ dolları təşkil edib.]]> true https://via.az/gundem/33489-azrbaycann-neft-v-qaz-ixracndan-glirlri-aqland.html admin1 gundem / iqtisadiyyat Mon, 17 Aug 2026 11:17:24 +0400

2026-cı ilin yanvar-iyul aylarında Azərbaycanın neft və qazın ixracından əldə etdiyi gəlirlər məlum olub.

İlin ilk 7 ayında Azərbaycan 14 milyard 427 milyon 713.63 min kubmetr həcmində təbii qaz ixrac edib və bu ixracın dəyəri 4 milyard 882 milyon 439.84 min ABŞ dolları təşkil edib.

Hesabat dövründə ixrac edilən təbii qazın həcmi ötən illə müqayisədə 0,13% artıb, dəyəri isə 7,34% azalıb. Azərbaycanın ümumi ixracında təbii qazın payı 25,25% olub.

İxrac edilən neftin həcminə gəlincə, ilin ilk altı ayında 8 milyard 32 milyon 903.55 min dollar dəyərində 12 milyard 722 milyon 590.97 min ton xam neft və xam neft məhsulları ixrac edilib.

Ötən ilin eyni dövrü ilə müqayisədə ixrac edilən neftin həcmi 12,08% azalıb, dəyəri isə 4,87% artıb.

Azərbaycanın ümumi ixracında bitumlu süxurlardan alınmış xam neft və neft məhsullarının payı 69.31% olub.]]> true https://via.az/gundem/33418-azeri-light-bahalad.html admin1 gundem / iqtisadiyyat Sat, 01 Aug 2026 15:35:57 +0400

Dünya bazarında "Azeri Light" markalı Azərbaycan neftinin 1 barelinin qiyməti 3,29 ABŞ dolları və ya 3,33 % artaraq 101,87 ABŞ dolları təşkil edib.

Hərracların nəticələrinə görə, "Brent" markalı neftin sentyabr fyuçerslərinin qiyməti 96,57 ABŞ dolları təşkil edib.

Türkiyənin Ceyhan limanında FOB bazasında "Azeri Light" markalı Azərbaycan neftinin bir barelinin qiyməti 3,39 ABŞ dolları və ya 3,6 % artaraq 98,25 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda bu markadan olan neft "Azəri-Çıraq-Günəşli" (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 31,65 %-dir.]]> true https://via.az/gundem/33387-qzln-qiymti-yenidn-yksldi.html admin1 gundem / iqtisadiyyat Mon, 27 Jul 2026 13:33:21 +0400

Dünya birjalarında qızıl və gümüş bahalaşıb.

Nyu-Yorkun COMEX əmtəə birjasında qızılın bir troya unsiyasının qiyməti 0,5% artaraq 4 150,5 ABŞ dollarına yüksəlib.

Birjada gümüş də bahalaşıb. Belə ki, COMEX-də gümüşün bir unsiyasının qiyməti 1,17% artaraq 59,6 ABŞ dolları təşkil edib.]]> true https://via.az/gundem/33352-rusiya-iqtisadiyyat-kr-payz-defoltlar-dalas-olacaq.html admin1 gundem / siyaset / iqtisadiyyat / dunya Sat, 25 Jul 2026 13:12:17 +0400

Ukrayna ilə davam edən müharibənin maliyyələşdirilməsi xərcləri artmaqdadır. Xərclərin artması prosesi davam etdiyi üçün Rusiya iqtisadiyyatı getdikcə daha çox təzyiq altında qalır.

Bu barədə "Politico" məlumat yayıb. Nəşrin məlumatına görə, iqtisadi gərginliyin son əlamətlərindən biri müharibə üçün açıq şəkildə vəsait toplamaq məcburiyyətində qalan Maliyyə Nazirliyi ilə hərbi kampaniyanı maliyyələşdirmək üçün getdikcə daha yüksək faiz dərəcələri tələb edən ən böyük banklar arasındakı qarşıdurmadır.

Xüsusilə, Maliyyə Nazirliyi bir sıra hərracların özünə alıcılar cəlb edə bilməməsindən sonra istiqraz satışlarının dayandırıldığını elan etməsi diqqət çəkən məqamdır. Müəllif qeyd edib ki, dövlət istiqrazlarının gəlirliliyi hazırda 13%-dən 17%-ə qədər dəyişir və Rusiya Mərkəzi Bankı əsas faiz dərəcəsini aşağı salsa, bu rəqəm azala bilər. Hazırda əsas faiz dərəcəsi 14,25%-dir.

Rusiyanın ən böyük biznes lobbisi olan Rusiya Sənayeçi və Sahibkarlar Birliyi, xəbərdarlıq edib ki, əgər mərkəzi bank faiz dərəcələrini aşağı salmasa, "payız defoltları" dalğası başlaya bilər. İlk altı ayda korporativ iflasların sayı artıq təxminən 11% artıb.

Almaniya Beynəlxalq və Təhlükəsizlik Məsələləri İnstitutunun analitiki Yanis Klugenin sözlərinə görə, Kreml əslində bu il hərbi xərcləri azaltmağı planlaşdırırmış. Lakin bu planlamaların əvəzinə xərclər kəskin şəkildə artaraq ikinci rübdə hökumət xərclərinin təxminən yarısını təşkil edib.

Kluge qeyd edib ki, əslində istiqraz bazarında yaranmış çıxılmaz vəziyyət iqtisadi çöküşün göstəricisi sayılmır. Amma proses digər arzuolunmaz hadisələrlə paralale gedir. Məsələn, Rusiya maliyyə bazarlarındakı digər "stress" əlamətləri buna misaldır. Xüsusilə, Rusiyanın əsas neft fond indeksi son iki ayda Ukraynanın neft emalı zavodlarına dron hücumları reallaşdırması səbəbindən 30% düşüb.]]> true https://via.az/gundem/33314-neft-yenidn-bahalad.html admin1 gundem / iqtisadiyyat Tue, 21 Jul 2026 18:26:59 +0400

ABŞ-İran gərginliyi davam edərkən dünya bazarlarında neftin qiyməti yenidən artıb.

Bu barədə “Reuters” məlumat yayıb.

Bildirilib ki, neftin bir barelinin qiyməti təxminən 2 faiz artaraq 90,84 dollara çatıb.

Analitiklər bildirirlər ki, Hörmüz boğazından ixracın azalması və Qırmızı dənizdən neft tədarükünün pozulması ilə bağlı narahatlıqlar qiymət artımına səbəb olur.]]> true https://via.az/gundem/33172-trkiynin-yeni-qrar-azrbaycan-iqtisadiyyatna-nec-tsir-edck.html admin1 gundem / siyaset / iqtisadiyyat Sat, 04 Jul 2026 09:34:53 +0400

Dünya ticarətinin ən mühüm dəniz qapılarından sayılan Bosfor və Dardanel boğazlarından keçid bahalaşıb. Türkiyənin tranzit rüsumlarını növbəti dəfə artırması ilk baxışda yalnız gəmiçilik sektoruna aid qərar kimi görünsə də, ekspertlər hesab edirlər ki, bu dəyişiklik Qara dəniz hövzəsində yükdaşımalara, logistika xərclərinə və region ölkələrinin ticarət əlaqələrinə də müəyyən təsir göstərə bilər.

Xüsusilə Qara dəniz marşrutu ilə idxal və ixrac həyata keçirən ölkələr üçün əlavə xərclərin yaranacağı bildirilir. Bunun fonunda diqqət çəkən əsas suallardan biri də qərarın Azərbaycan iqtisadiyyatına mümkün təsirləridir.

Liberal İqtisadçılar Birliyinin sədri mövzu ilə bağlı Musavat.com-a bildirib ki, Bosfor və Dardanel boğazlarında tranzit haqlarının artırılması Azərbaycanın xarici ticarətinə əsasən dolayı təsir göstərəcək. Onun sözlərinə görə, Qara dəniz istiqamətində daşınan yüklər üzrə logistika xərcləri müəyyən qədər arta bilər və bu əlavə xərclərin bir hissəsi yükdaşıma tariflərinə daxil edilə bilər. Bununla belə, rüsum artımı ümumi daşınma xərclərinin yalnız bir hissəsini təşkil etdiyindən təsirin məhdud olacağı gözlənilir.
İqtisadçı qeyd edib ki, Azərbaycanın idxal və ixrac əməliyyatlarında Qara dəniz marşrutundan istifadə edən şirkətlər müəyyən əlavə xərclərlə üzləşə bilərlər. Xüsusilə taxıl, metal, neft məhsulları və konteyner daşımalarında nəqliyyat tariflərinin cüzi artması mümkündür. Bunun bəzi məhsulların maya dəyərinə təsir göstərə biləcəyini deyən A.Nəsirli hesab edir ki, bu amil onların beynəlxalq bazarlardakı rəqabət qabiliyyətini ciddi şəkildə zəiflədəcək səviyyədə deyil.

Onun sözlərinə görə, Azərbaycanın əsas enerji ixracı boru kəmərləri vasitəsilə həyata keçirildiyi üçün Türkiyənin qərarının neft və qaz ixracına birbaşa təsiri yoxdur. Digər qeyri-neft məhsullarında isə daşınma xərclərinin artması daha çox seçilən marşrutdan və logistika zəncirinin strukturundan asılı olacaq.

A.Nəsirli vurğulayıb ki, bu qərar alternativ nəqliyyat marşrutlarının əhəmiyyətini daha da artırır və Orta Dəhlizin inkişafına marağı gücləndirə bilər. Onun fikrincə, Avropa ilə Asiya arasında yükdaşımaların şaxələndirilməsi fonunda Azərbaycan tranzit ölkə kimi mövqeyini daha da möhkəmləndirmək imkanı qazana bilər. İqtisadçı hesab edir ki, dəmir yolu və liman infrastrukturunun modernləşdirilməsi Orta Dəhlizin rəqabət qabiliyyətini artırarsa, ölkə həm tranzit gəlirlərini yüksəldə, həm də regional logistika mərkəzi kimi rolunu gücləndirə bilər:" Bu baxımdan, Türkiyənin qərarı qısamüddətli dövrdə bəzi daşınma xərclərini artırsa da, uzunmüddətli perspektivdə alternativ nəqliyyat dəhlizlərinin inkişafını sürətləndirən amillərdən biri kimi qiymətləndirilə bilər".]]> true https://via.az/gundem/33149-benzin-satclar-qiymtlri-drhal-aa-salmasalar-trampdan-srt-xbrdarlq.html admin1 gundem / siyaset / iqtisadiyyat / dunya Tue, 30 Jun 2026 08:52:31 +0400

ABŞ Prezidenti Donald Tramp ölkədə benzin satan şirkətlərdən qiymətləri təcili şəkildə aşağı salmağı tələb edib. Bu addımı atmayanları isə hədələyib.

Ağ Ev rəhbəri bu barədə "Truth Social"da paylaşım edib.

O bildirib ki, neftin bir barelinin qiyməti hazırda 68 dollar təşkil edir və bu şəraitdə benzinin mövcud qiymətləri həddindən artıq yüksəkdir. Trampın fikrincə, ABŞ-da benzinin qiyməti bir qallon (3,785 litr) üçün təxminən 2,50 dollar olmalıdır.

"Benzin satıcıları qiymətləri dərhal aşağı salmalıdırlar. Qiymətlər çox yüksəkdir. Bu bəyanata operativ reaksiya verilməlidir. Bunu etməsələr, böyük problemlərlə üzləşəcəklər", - Tramp qeyd edib.

ABŞ lideri daha öncə ölkədə benzin qiymətlərinin nəzərəçarpacaq dərəcədə ucuzlaşmaması ilə bağlı araşdırma aparılacağını bəyan etmişdi.]]> true https://via.az/gundem/33049-neft-bahalad.html admin1 gundem / iqtisadiyyat Sat, 20 Jun 2026 10:26:53 +0400

Dünya bazarlarında neft bahalaşmaqda davam edir.
Hazırda “Brent” markalı neftin bir barreli 80,57 dollara, yüngül neftin bir barreli isə 77,54 dollara təklif edilir.]]> true https://via.az/gundem/33048-azrbaycanda-karbamid-istehsal-xeyli-azald.html admin1 gundem / iqtisadiyyat Sat, 20 Jun 2026 10:26:17 +0400

Bu ilin yanvar-may aylarında Azərbaycanda 200,1 min ton həcmində karbamid istehsal olunub.
Bu, 2025-ci ilin 5 ayı ilə müqayisədə 21,8 % azdır.
Bu ilin iyunun 1-nə 82,1 min ton hazır məhsul qalığı yaranıb.
Xatırladaq ki, karbamid (azot gübrəsi) Sumqayıt Kimya Sənaye Parkının ərazisindəki "SOCAR Karbamid" zavodunda istehsal edilir. Zavod 2019-cu il yanvarın 16-da istifadəyə verilib, il ərzində 435 milyon kubmetr təbii qazdan xammal kimi istifadə etməklə 650-660 min ton karbamid istehsal etmək gücündədir. İstehsal həcminin 70 %-i ixrac üçün nəzərdə tutulub.]]>