https://via.az/ az https://via.az/gundem/33544-real-espanyolu-mlub-etdi.html https://via.az/gundem/33544-real-espanyolu-mlub-etdi.html 33544 Sun, 23 Aug 2026 12:40:57 +0400 native-yes

İspaniya La Liqasında 2-ci turun oyunları keçirilir.

Bu gün 3 oyun baş tutub.

“Valensiya” – “Selta” matçı qolsuz bitib. “Atletik” evdə “Sevilya”ya, “Espanyol” isə “Real”a məğlub olub.

İspaniya La Liqası
2-ci tur
20 avqust

Rayo Valyekano – Alaves 1:1

21 avqust

Betis – Real Sosyedad 1:0

22 avqust

Atletik – Sevilya 1:3
Valensiya – Selta 0:0
Espanyol – Real 1:2

23 avqust

19:00. Atletik – Vilyarreal
21:30. Xetafe – Rasinq
23:30. Elçe – Barselona

24 avqust

21:30. Osasuna – Levante]]> https://via.az/gundem/33419-maa-336-milyon-avroya-atd.html https://via.az/gundem/33419-maa-336-milyon-avroya-atd.html 33419 Sat, 01 Aug 2026 11:00:19 +0400 native-yes

Hücumçu Karlos Espinin “Levante”dən “Real Madrid”ə keçidikdən sonra maaşı səkkiz dəfə artaraq ildə 420.000 avrodan 3,36 milyon avroya çatıb.

Bu barədə “Sport.es”i məlumat yayıb. “Real Madrid” Espinin transferini cümə axşamı, 30 iyulda elan etdi. Jurnalist Fabritsio Romano İspaniya nəhənginin 21 yaşlı hücumçunu 25 milyon avroya almaq seçimini aktivləşdirdiyini bildirdi.

Ötən mövsüm Espi bütün yarışlarda 27 oyun keçirib və 13 qol vurub. “Transfermarkt”dakı məlumata görə, onun bazar dəyəri 20 milyon avrodur.]]> https://via.az/gundem/33373-nriman-ehtiyatda-qald.html https://via.az/gundem/33373-nriman-ehtiyatda-qald.html 33373 Sun, 26 Jul 2026 16:01:48 +0400 native-yes


Azərbaycan millisinin hücumçusu Nəriman Axundzadənin çıxış etdiyi “Kolumbus Kryu” MLS-də növbəti oyuna çıxıb.

Sözügedən komanda XVII turda azarkeşləri önündə “Çinçinnati” ilə qarşılaşıb. Matç “Kolumbus Kryu”nun qələbəsiylə başa çatıb – 2:1.

Nəriman bu görüşün iştirakçısı olmayıb. O, sona qədər ehtiyatda qalıb.

Komanda MLS-də 17 turdan sonra 19 xalla 11-ci sıradadır.]]> https://via.az/gundem/33368-yuventus-psj-nin-qaps-lukas-evalye-il-maraqlanr.html https://via.az/gundem/33368-yuventus-psj-nin-qaps-lukas-evalye-il-maraqlanr.html 33368 Sun, 26 Jul 2026 16:00:07 +0400 native-yes


"Yuventus" PSJ-nin qapıçısı Lukas Şevalye ilə maraqlanır.

Turin klubu fransız üçün qarşı tərəfə ilkin müraciətini edib. Ötən yay "Lill"dən 50 milyon avroya transfer olunan qapıçı Fransa paytaxtında debüt mövsümünü keçirsə də, mövsüm ərzində əsas heyətdəki yerini rusiyalı həmkarı Matvey Safonova uduzub.

Şevalye özü də PSJ-ni tərk etməyə müsbət yanaşır. "Qoca sinyora" onu öncə icarəyə götürmək istəyir. Onun Fransa nəhəngi ilə müqavilə müddəti 2030-cu il iyunun 30-na qədərdir. 24 yaşlı qolkiper "Lill" və PSJ-dən savayı "Valensiyen"nin də qapısını qoruyub.]]> https://via.az/gundem/33365-xankndi-yeni-futbolu-transfer-etdi.html https://via.az/gundem/33365-xankndi-yeni-futbolu-transfer-etdi.html 33365 Sun, 26 Jul 2026 15:59:07 +0400 native-yes

"Xankəndi" futbol komandası heyətini 27 yaşlı İbrahim Qədirzadə ilə gücləndirib.

Klub son olaraq "Karvan-Yevlax"da çıxış edən futbolçu ilə mövsümün sonunadək müqavilə bağlandığını açıqlayıb.

Qədirzadənin əsas mövqeyi dayaq yarımmüdafiəsidir.

Qədirzadə 2025/2026 mövsümündə "Karvan-Yevlax"ın heyətində bütün turnirlərdə 16 rəsmi oyunda meydana çıxıb və 517 dəqiqə oynayıb. Klub iki gün əvvəl müqaviləsi başa çatdığı üçün futbolçusu ilə yollarını ayırdığını açıqlayıb.

Xatırladaq ki, "Xankəndi" ötən mövsümü İkinci Liqada 76 xalla birinci pillədə başa vuraraq çempion olub. Zaur Hacıyevin komandası bununla Birinci Liqaya vəsiqə qazanıb.]]> https://via.az/gundem/33364-maam-vermsniz-gedirm.html https://via.az/gundem/33364-maam-vermsniz-gedirm.html 33364 Sun, 26 Jul 2026 15:58:46 +0400 native-yes


"Qalatasaray"ın hücumçusu Viktor Osimhen Türkiyə klubunun rəhbərliyini sərt tənqid edib.

Nigeriyalı hücumçu sosial media hesabında canlı yayım zamanı bildirib ki, 3 aydır maaş ala bilmir.

"Üç aydır maaşımı almıram. Mən olmasaydım, dünyada heç kim "Qalatasaray"ı tanımazdı. Əgər pulumu verməsəniz, gedəcəyəm" - deyə Osimhen bildirib.

Qeyd edək ki, Viktor Osimhen ötən mövsüm 33 matçda 22 qol vurub və 8 məhsuldar ötürmə edib.]]> https://via.az/gundem/33358-vozinya-bu-kluba-kedi.html https://via.az/gundem/33358-vozinya-bu-kluba-kedi.html 33358 Sat, 25 Jul 2026 13:13:56 +0400 native-yes


Kabo-Verde millisinin qapıçısı Vozinya Çilinin “Kolo-Kolo” klubunun müqavilə təklifini qəbul edib.

Bu barədə jurnalist Fabritsio Romano məlumat yayıb.

Mənbənin bildirdiyinə görə, tərəflər sənədləri hələ imzalamayıblar. 40 yaşlı qolkiper tezliklə tibbi müayinədən keçəcək.

Transferin həftəsonu rəsmiləşdirilməsi gözlənilir.

Qeyd edək ki, Vozinyanın Portuqaliyanın “Şaviş” klubu ilə müqaviləsinin müddəti bu yay başa çatıb. Lakin DÇ-2026-dakı uğurlu çıxışı onun sosial şəbəkələrdə izləyici sayına görə dünyanın ən populyar qapıçısına çevrilməsinə səbəb olub.[i][/i]]]> https://via.az/gundem/33354-messi-n-yax-oyunu-olmal-idi-aravin.html https://via.az/gundem/33354-messi-n-yax-oyunu-olmal-idi-aravin.html 33354 Sat, 25 Jul 2026 13:12:54 +0400 native-yes

“Zenit”in və Rusiya millisinin keçmiş hücumçusu, hazırda Sankt-Peterburq klubunda idmanın inkişafı üzrə idarə heyətinin sədr müavini vəzifəsində çalışan Andrey Arşavin 2026-cı il dünya çempionatının ən yaxşı oyunçu seçimi ilə razılaşmayıb.

İspaniya milli komandası finalda Argentinanı 1-0 hesabı ilə məğlub edərək turnirin qalibi oldu. İspaniyalı Rodri turnirin ən yaxşı oyunçusu seçilib.

Arşavin “Sport Ekspress” nəşrinə bildirib:

“Mənə görə Messi ən yaxşı oyunçu olmalı idi. Rodri fantastik idi və İspaniya üçün çox şey ifadə edirdi. Amma Messinin turnirdə oynadığı oyun… Əlbəttə ki, mənim üçün o, ən yaxşısıdır”.]]> https://via.az/gundem/33327-tv-2030-cu-il-dnya-empionatn-da-yaymlayacaq.html https://via.az/gundem/33327-tv-2030-cu-il-dnya-empionatn-da-yaymlayacaq.html 33327 Wed, 22 Jul 2026 07:56:15 +0400 native-yes

İctimai Televiziya futbol üzrə dünya çempionatının Azərbaycan üzrə yayımını televiziya, radio və rəqəmsal platformaları əhatə edən vahid media ekosistemi çərçivəsində həyata keçirib.

İctimai Televiziya və Radio Yayımları Şirkətindən (İTV) bildirilib ki, dünya çempionatı ərzində keçirilən 104 oyunun hamısı Azərbaycan tamaşaçıları üçün əlçatan olub. Onlardan 92-si İctimai TV-nin efirində və itv.az platformasında canlı yayımlanıb.

Qrup mərhələsinin üçüncü turunda eyni vaxtda keçirilən 12 qarşılaşma isə “CBC Sport” telekanalında nümayiş etdirilib. Bununla da futbolsevərlərə mundialın bütün oyunlarını izləmək imkanı yaradılıb. Şimali Amerika ilə saat fərqi nəzərə alınaraq gecə keçirilən qarşılaşmaların gündüz təkrarları da təşkil edilib.

Turnir yalnız televiziya vasitəsilə deyil, İctimai Radio 90 FM-də, itv.az platformasında, telekanalın rəsmi "YouTube" kanalında və sosial media hesablarında da işıqlandırılıb.

Mundialın yayımı ilə bağlı statistik göstəricilərə əsasən, 90 radio reportajı hazırlanıb, "Bol futbol" verilişinin 70 buraxılışı efirə çıxıb, 104 oyunun hər biri üzrə ayrıca videoicmal təqdim olunub. Final oyununun "YouTube" yayımı isə 2 milyona yaxın baxış toplayıb.

İlk dəfə olaraq Azərbaycan televiziya məkanında dünya çempionatı oyunlarının təhlili zamanı "Viz Libero 3D" idman proqramından istifadə edilib. Yeni texnologiya vasitəsilə tamaşaçılara oyunların taktiki elementlərini vizual şəkildə izləməyə imkan verib.

Milyonlarla tamaşaçının izlədiyi hər yayımın arxasında gecə-gündüz çalışan böyük bir kollektiv dayanıb. Aparıcılar, redaktorlar, rejissorlar, operatorlar, şərhçilər, texniki mütəxəssislər, rəqəmsal media komandası və radio kollektivi ABŞ, Kanada və Meksika ilə saat fərqinə uyğun xüsusi iş rejimində fəaliyyət göstərərək mundialın fasiləsiz işıqlandırılmasını təmin ediblər.

İctimai TV dünya çempionatının yayımı zamanı göstərilən əməkdaşlığa görə tərəfdaş qurumlara, CBC Sport kollektivinə, sponsorlara və tamaşaçılara təşəkkürünü bildirib.

Bununla yanaşı, telekanal 2030-cu ildə keçiriləcək mundialın da İctimai TV vasitəsilə canlı yayımlanacağını açıqlayıb. Beləliklə, futbol üzrə dünya çempionatı növbəti dəfə telekanalın efirində və rəqəmsal platformalarında Azərbaycan tamaşaçılarına təqdim olunacaq.]]> https://via.az/gundem/33319-d-2026-nn-rmzi-komandas-aqland.html https://via.az/gundem/33319-d-2026-nn-rmzi-komandas-aqland.html 33319 Tue, 21 Jul 2026 18:28:40 +0400 native-yes

2026-cı il dünya çempionatı başa çatdıqdan sonra turnirin ən yaxşı çıxış edən futbolçuları ilə bağlı müxtəlif versiyalarda rəmzi komandalar açıqlanmağa davam edir.

Bu dəfə nüfuzlu ESPN nəşri mundialın ən yaxşı 11 futbolçusundan ibarət rəmzi komandasını təqdim edib.

Rəmzi heyətdə dünya çempionu İspaniya millisinin dörd futbolçusu yer alıb.

Qapıçı: Vozinya (Kabo-Verde).

Müdafiəçilər: Mark Kukurelya, Emerik Laport, Pau Kubarsi (hamısı - İspaniya), Ced Spens (İngiltərə).

Yarımmüdafiəçilər: Ayub Buaddi (Mərakeş), Rodri (İspaniya), Cud Bellinqem (İngiltərə).

Hücumçular: Lionel Messi (Argentina), Kilian Mbappe (Fransa), Erlinq Holand (Norveç).]]>