https://via.az/ az https://via.az/gundem/33600-kolleclr-qbul-olunanlarn-qeydiyyat-mddti-uzadld.html https://via.az/gundem/33600-kolleclr-qbul-olunanlarn-qeydiyyat-mddti-uzadld.html 33600 Mon, 31 Aug 2026 14:18:59 +0400 native-yes

Ümumi (9 illik) orta təhsil bazasında orta ixtisas təhsil müəssisələrinə qəbul olunan şəxslərin qeydiyyat prosesi 2 sentyabr saat 18:00-dək davam edəcək.

Bu barədə Dövlət İmtahan Mərkəzi məlumat yayıb.

Bildirilib ki, qəbul olunan şəxslər qeydiyyat üçün əvvəlcə mygov ID (vahid giriş sistemi) vasitəsilə my.gov.az portalındakı şəxsi kabinetlərinə daxil olmalıdırlar. Daha sonra portalın “Xidmətlər” bölməsinin “Qurumlar” kateqoriyasından Elm və Təhsil Nazirliyini seçməli və burada təqdim olunan “Ali və orta ixtisas təhsil müəssisələrinə təhsilalanların qeydiyyatı” xidmətinə keçid etməlidirlər.

Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri orta ixtisas təhsili müəssisəsinə göndərilməyəcək.]]> https://via.az/gundem/33599-70-min-manatlq-ourluq-edn-xslr-saxlanld.html https://via.az/gundem/33599-70-min-manatlq-ourluq-edn-xslr-saxlanld.html 33599 Mon, 31 Aug 2026 14:17:46 +0400 native-yes

Bakının Qaradağda 70 min manatlıq telefon və aksesuarlar oğurlayan şəxslər saxlanılıblar.

Bu barədə Daxili İşlər Nazirliyinin Mətbuat xidmətindən bildirilib.

Məlumata görə, Qaradağ rayonu ərazisində fəaliyyət göstərən şirkətlərdən birinə məxsus anbardan ümumi dəyəri 70 min manata yaxın mobil telefon və aksesuarların oğurlanması barədə polisə məlumat daxil olub.

Polis əməkdaşlarının keçirdikləri tədbirlərlə əməli törətməkdə şübhəli bilinən 33 yaşlı A.Bağırov və 35 yaşlı R.Rəsullu müəyyən olunaraq saxlanılıblar.

Araşdırma zamanı R.Rəsullunun həmin anbarda işlədiyi məlum olub.

Faktla bağlı cinayət işi başlanılıb.

Araşdırmalar davam etdirilir.]]> https://via.az/gundem/33598-ermnistan-susuz-qala-bilr-azrbaycann-tarixi-gl-quruyur.html https://via.az/gundem/33598-ermnistan-susuz-qala-bilr-azrbaycann-tarixi-gl-quruyur.html 33598 Mon, 31 Aug 2026 14:16:06 +0400 native-yes

Ermənistanın ən böyük su hövzəsi olan Göyçə gölünə çaylardan daxil olan suyun həcmi iqlim dəyişikliklərinin ən əlverişsiz ssenarisi baş verəcəyi halda 2100-cü ilədək 34%, yəni təxminən 265 milyon kubmetr azalacaq.

Bu barədə Ermənistanın Ətraf Mühit Nazirliyi məlumat yayıb.

Nazirlik bildirir ki, çaylar Sevanın əsas qidalanma mənbəyidir və onların suyunun azalması gölün su balansı üçün ciddi təhlükə yaradır. İqlim dəyişiklikləri isə vəziyyəti daha da ağırlaşdırır.

Göyçə gölünün bərpası üçün suyun səviyyəsinin 6 metr artırılması planlaşdırılır. Bu məqsədlə hər il göldəki su səviyyəsinin 21,6 santimetr yüksəldilməsi nəzərdə tutulub. Hesablamalara görə, proqram 30 il ərzində həyata keçirilərsə, suyun səviyyəsi 6,5 metr arta və göldə əlavə olaraq təxminən 8,8 milyard kubmetr su toplana bilər.

Hazırda Göyçə gölündə suyun səviyyəsi 2021-ci ildən bəri ən yüksək həddə çataraq 1900,80 metr təşkil edir. Lakin mütəxəssislər bildirirlər ki, bu artım əsasən əlverişli hava şəraiti və bol yağıntılarla bağlıdır.

Gölü qidalandıran 28 çaydan daxil olan suyun həcminin artması vəziyyəti müvəqqəti olaraq yaxşılaşdırsa da, Göyçə gölünün ekosistemində ciddi problemlər qalmaqdadır. Gölün flora və faunasının bərpası, çirkab suların təmizlənməsi və endemik balıq növlərinin qorunması əsas məsələlər sırasında göstərilir.

Ermənistan hökuməti Göyçə gölünün bərpası üçün 42 təmizləyici qurğunun tikintisini, üç mövcud stansiyanın yenilənməsini və 1030 kilometr kanalizasiya şəbəkəsinin çəkilməsini nəzərdə tutan proqram hazırlayıb.

Lakin proqram çərçivəsində nəzərdə tutulan bir sıra əsas layihələr hələ də həyata keçirilməyib. Xüsusilə, mütəxəssislərin gölün ekosisteminin sağlamlaşdırılması üçün vacib saydığı bioloji təmizləmə stansiyalarının tikintisi başlanmayıb.]]> https://via.az/gundem/33597-sentyabrda-hava-nec-olacaq-proqnoz.html https://via.az/gundem/33597-sentyabrda-hava-nec-olacaq-proqnoz.html 33597 Mon, 31 Aug 2026 14:14:32 +0400 native-yes

Sentyabr ayı yay və payız fəsilləri arasında keçid ayı kimi xarakterizə olunur. Bu səbəbdən də ay ərzində həm isti, həm də soyuq dövr üçün xarakterik olan sinoptik proseslər müşahidə olunur.

Bu barədə Milli Hidrometeorologiya Xidməti məlumat yayıb.

Bu ilin sentyabr ayında havanın orta aylıq temperaturunun iqlim normasına yaxın, bəzi yerlərdə isə bir qədər yüksək olacağı gözlənilir.

Aylıq yağıntının miqdarının əsasən iqlim normasına yaxın olacağı ehtimal olunur.

Birinci ongünlüyün ilk günlərində əsasən dağlıq və dağətəyi rayonlarda arabir qısamüddətli leysan xarakterli yağış yağacağı, şimşək çaxacağı gözlənilir.

Bakıda və Abşeron yarımadasında havanın orta aylıq temperaturunun 21-23°C isti olacağı gözlənilir ki, bu da iqlim normasına yaxın və 1 dərəcə yüksəkdir. Gecələr temperatur 19-24°C, gündüzlər 26-31°C, birinci ongünlüyün bəzi günlərində 33-35°C isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 12-23 mm).

Naxçıvan şəhəri, Culfa, Ordubad, Sədərək, Şahbuz və Şərur rayonlarında havanın orta aylıq temperaturunun 22-25°C isti olacağı gözlənilir ki, bu da iqlim normasına yaxın və 1-2°C yüksəkdir. Gecələr havanın temperaturu 17-22°C isti, gündüzlər 26-31°C, birinci ongünlüyün bəzi günlərində 34-39°C isti olacağı gözlənilir. Aylıq yağıntının miqdarının iqlim normasına yaxın olacağı (norma 7-13 mm) gözlənilir.

Xankəndi, Şuşa, Goranboy, Xocalı, Xocavənd, Ağdam, həmçinin Daşkəsən-Gədəbəy rayonlarında havanın orta aylıq temperaturu 16-19°C isti olacağı gözlənilir ki, bu da iqlim normasına yaxındır. Gecələr havanın temperaturunun 12-17°C, gündüzlər 19-24°C, birinci ongünlüyün bəzi günlərində 26-30°C isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 34-50 mm).

Şərqi Zəngəzur: Cəbrayıl, Kəlbəcər, Qubadlı, Laçın, Zəngilan rayonlarında havanın orta aylıq temperaturunun 17-20°C isti olacağı gözlənilir ki, bu da iqlim norması daxilindədir. Gecələr havanın temperaturu 12-17°C, gündüzlər 19-24°C, birinci ongünlüyün bəzi günlərində 26-30°C isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 29-37 mm).

Qazax, Gəncə, Ağstafa, Şəmkir, Tovuz, Ceyrançöl, Tərtər, Füzuli rayonlarında havanın orta aylıq temperaturunun 21-24°C isti olacağı gözlənilir ki, bu da iqlim normasına yaxın və 1-3°C yüksəkdir. Gecələr havanın temperaturu 17-22°C, gündüzlər 25-30°C, birinci ongünlüyün bəzi günlərində 33-35°C isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 17-44 mm).

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında havanın orta aylıq temperaturunun 19-23°C isti olacağı gözlənilir ki, bu da iqlim normasına yaxın 1-3°C yüksəkdir. Gecələr havanın temperaturu 14-19°C, gündüzlər 22-27°C, birinci ongünlüyün bəzi günlərində 30-33°C isti, dağlarda gecələr 9-14°C isti, gündüzlər 16-19°C isti, birinci ongünlüyün bəzi günlərində 22-25°C isti olacağı gözlənilir. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir (norma 33-120 mm).

Yevlax, Göyçay, Ağdaş, Kürdəmir, İmişli, Ağcabədi, Mingəçevir, Beyləqan, Sabirabad, Saatlı, Şirvan, Hacıqabul, Zərdab, Salyan, Neftçala rayonlarında havanın orta aylıq temperaturunun 22-25°C isti olacağı gözlənilir ki, bu da iqlim normasına yaxın və 1-2°C yüksəkdir. Gecələr havanın temperaturu 18-23°C, gündüzlər 24-29°C, birinci ongünlüyün bəzi günlərində 31-35°C isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 14-38 mm).

Masallı, Yardımlı, Lerik, Lənkəran, Biləsuvar, Astara, Cəlilabad rayonlarında havanın orta aylıq temperaturunun 19-23°C isti olacağı gözlənilir ki, bu da iqlim normasına yaxın və 1-2°C yüksəkdir. Gecələr havanın temperaturu 17-22°C, gündüzlər 24-29°C, birinci ongünlüyün bəzi günlərində 33°C-dək isti, dağlarda gecələr 13-18°C isti, gündüzlər 20-25°C isti olacağı gözlənilir. Aylıq yağıntının miqdarının iqlim normasına yaxın olacağı gözlənilir (norma 50-199 mm).]]> https://via.az/gundem/33596-bakda-bu-avtobusda-qiymt-65-qpik-oldu.html https://via.az/gundem/33596-bakda-bu-avtobusda-qiymt-65-qpik-oldu.html 33596 Mon, 31 Aug 2026 14:12:25 +0400 native-yes

Sentyabrın 1-dən 199 nömrəli marşrut xəttində avtobuslar dəyişdiriləcək.

Bu barədə Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, sərnişindaşıma xidmətinin keyfiyyətinin artırılması məqsədilə marşrut xəttində istismar olunan avtobuslar CNG texnologiyası ilə təchiz edilən nəqliyyat vasitələri ilə əvəzlənəcək.

199 nömrəli marşrut üzrə avtobuslar Nərimanov rayonu, Nemət Quliyev küçəsi (Elmi-Tədqiqat Tibbi Bərpa İnstitutu) – Xırdalan şəhəri (Bakı Mühəndislik Universiteti) istiqamətində hərəkət edəcək.

Avtobuslarda ödəniş nağdsız qaydada həyata keçiriləcək. Gedişhaqqı 0,65 manat təşkil edir.]]> https://via.az/gundem/33595-tn-hft-bu-qdr-razi-minalardan-tmizlndi.html https://via.az/gundem/33595-tn-hft-bu-qdr-razi-minalardan-tmizlndi.html 33595 Mon, 31 Aug 2026 14:10:23 +0400 native-yes

Azad olunan ərazilərdə avqustun 24-dən 30-dək 29 tank əleyhinə, 161 piyada əleyhinə mina, 689 partlamamış hərbi sursat (PHS) aşkarlanıb və zərərsizləşdirilib.

Bu barədə Azərbaycan Minatəmizləmə Agentliyinin (ANAMA) azad edilmiş ərazilərdə həyata keçirilən humanitar minatəmizləmə əməliyyatları ilə bağlı həftəlik məlumatında deyilir.

Məlumata əsasən, 2048,7 hektar ərazi minalardan təmizlənib.

Qeyd edək ki, minatəmizləmə əməliyyatlarını ANAMA, Müdafiə Nazirliyi, Fövqəladə Hallar Nazirliyi (FHN), beş yerli təşkilat və bir QHT Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı və Zəngilan ərazilərində, o cümlədən Qazax rayonunun işğaldan azad edilmiş Bağanıs Ayrım, Aşağı Əskipara, Xeyrımlı, Qızılhacılı kəndlərində həyata keçirib.]]> https://via.az/gundem/33594-smayllda-ourluq-edn-xs-saxlanld.html https://via.az/gundem/33594-smayllda-ourluq-edn-xs-saxlanld.html 33594 Mon, 31 Aug 2026 14:08:53 +0400 native-yes


İsmayıllı rayonunda müxtəlif vaxtlarda evlərdən məişət əşyalarının oğurlanması barədə polisə məlumatlar daxil olub.

Bu barədə Daxili İşlər Nazirliyinin mətbuat xidmətindən məlumat verilib.

Rayon Polis Şöbəsinin əməkdaşlarının keçirdikləri tədbirlərlə əməlləri törətməkdə şübhəli bilinən 24 yaşlı İlkin Hüseynov müəyyən edilərək saxlanılıb.

Araşdırmalarla onun rayon ərazisində yerləşən bir neçə istirahət mərkəzindən də oğurluq etdiyi müəyyənləşdirilib.

Faktla bağlı cinayət işi başlanılıb. İ.Hüseynov barəsində məhkəmənin qərarı ilə həbs qətimkan tədbiri seçilib.]]> https://via.az/gundem/33593-sensasion-iddia-spaniyaya-miqrant-hcumunu-rusiya-v-srail-tkil-edibmi.html https://via.az/gundem/33593-sensasion-iddia-spaniyaya-miqrant-hcumunu-rusiya-v-srail-tkil-edibmi.html 33593 Mon, 31 Aug 2026 14:07:43 +0400 native-yes

İspaniyanın baş naziri Pedro Sançes Rusiyanı və İsraili ölkədə miqrasiya böhranına səbəb olan dezinformasiya dalğasında iştirak etməkdə ittiham edib.

Sançesin sözlərini "Cadena SER" yayıb.

Baş nazir bildirib ki, miqrasiya böhranının səbəbləri hələ də araşdırılır. Lakin onun sözlərinə görə, sosial şəbəkələrdə yayılan saxta məlumatlar vəziyyətin gərginləşməsinə səbəb olub.

Sançesin iddiasına görə, İspaniya Ali Məhkəməsinin üzərək ölkəyə daxil olan miqrantların deportasiyasını qadağan etdiyi barədə məlumat sosial şəbəkələrdə təhrif edilərək yayılıb. O, bu məlumatın saxta hesablar və cinayətkar qrupların köməyi ilə geniş yayıldığını bildirib.

İspaniya hökumətinin başçısı dezinformasiya kampaniyasının arxasında Rusiya və İsrail şəbəkələrinin, eləcə də miqrasiya məsələsindən İspaniyaya və Avropaya qarşı istifadə edən beynəlxalq ifrat sağçı təşkilatın dayandığını iddia edib.

“Rusiya və İsrail şəbəkələri bu saxta məlumatları yayaraq qeyri-qanuni miqrasiya kimi Avropa cəmiyyətlərini parçalayan və qütbləşdirən həssas məsələ üzərindən İspaniya hökumətinə və avropalılara hücum ediblər”, - deyə Sançes bildirib.

Qeyd edək ki, iyulun 30-da Mərakeşdən olan on minlərlə miqrant Afrikanın şimal sahilində yerləşən İspaniyanın Seuta muxtar şəhərinin sərhədini qanunsuz şəkildə keçib.]]> https://via.az/gundem/33592-piiyin-dildiyi-4-yal-qz-quduzluqdan-ld.html https://via.az/gundem/33592-piiyin-dildiyi-4-yal-qz-quduzluqdan-ld.html 33592 Mon, 31 Aug 2026 14:05:37 +0400 native-yes

Türkiyədə 4 yaşlı qız küçə pişiyinin dişləməsindən sonra quduzluğa yoluxaraq həyatını itirib.

Bu barədə “Haber7” məlumat yayıb.

Bildirilib ki, hadisə Diyarbəkir vilayətinin Sur rayonunda baş verib. Təxminən 4 ay əvvəl küçə pişiyi uşağın dodağını dişləyib. Avqustun əvvəlində qızın vəziyyəti pisləşərək xəstəxanaya yerləşdirilib.

Üç gün sonra aparılan müayinələr onun quduzluğa yoluxduğunu təsdiqləyib. Qız müalicə alsa da, həkimlər onu xilas edə bilməyib. O, avqustun 30-da dünyasını dəyişib.

Hadisə ilə bağlı əlavə təfərrüat açıqlanmayıb.]]> https://via.az/gundem/33591-azrbaycan-v-in-ba-prokurorlar-arasnda-gr-keirildi.html https://via.az/gundem/33591-azrbaycan-v-in-ba-prokurorlar-arasnda-gr-keirildi.html 33591 Mon, 31 Aug 2026 12:24:22 +0400 native-yes

Bakıda Azərbaycanın Baş prokuroru Kamran Əliyev və Çin Xalq Respublikası Ali Xalq Prokurorluğunun Baş prokuroru Yinq Yonq arasında görüş keçirilib.

Görüşdə Azərbaycan ilə Çinin prokurorluq orqanları arasında əməkdaşlığın mövcud vəziyyəti və inkişaf perspektivləri müzakirə olunub.

Daha sonra nümayəndə heyətlərinin iştirakı ilə ikitərəfli görüş keçirilib, qarşılıqlı maraq doğuran məsələlər, o cümlədən hüquqi əməkdaşlığın genişləndirilməsi və təcrübə mübadiləsinin inkişaf etdirilməsi barədə fikir mübadiləsi aparılıb.
]]>