https://via.az/ bolge - Via.az true https://via.az/gundem/25341-neftala-rayon-sakininin-hytindn-1090-dd-tn-kolu-evindn-is-8-kiloqrama-yaxn-marixuana-akarlanb.html admin1 gundem / bolge Wed, 31 May 2023 09:00:18 +0400





Neftçala rayon sakininin həyətindən 1090 ədəd çətənə kolu, evindən isə 8 kiloqrama yaxın marixuana aşkarlanıb.
Neftçala Rayon Polis Şöbəsinin əməkdaşları tərəfindən narkotik tərkibli bitkilərin kultivasiyası ilə məşğul olan şəxslərin aşkar edilərək məsuliyyətə cəlb edilmələri istiqamətində növbəti uğurlu əməliyyat tədbiri həyata keçirilib.
Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, RPŞ-nin Narkotiklərlə Mübarizə Qrupunun əməkdaşlarının keçirdikləri əməliyyat tədbirləri nəticəsində qeyd edilən cinayət əməli ilə məşğul olmaqda şübhəli bilinən rayonun Qaraqaşlı kənd sakini, əvvəllər məhkum olunmuş Əlisaleh Kərimov saxlanılıb.
Onun yaşadığı ünvana keçirilən baxış zamanı həyətyanı sahəsində olan ağacların ətrafında, eləcə də böyürtkən kollarının arasında xüsusi aqrotexniki qaydada qulluq edilərək yetişdirilən və hündürlüyü 10-150 sm arası olan 1090 ədəd çətənə kolu, evindən isə çəkisi 8 kiloqrama yaxın olan marixuana aşkar edilərək götürülüb.
Faktla bağlı Neftçala Rayon Polis Şöbəsində cinayət işi başlanılıb, araşdırmalar davam etdirilir.]]> true https://via.az/gundem/25104-smayll-rayonunda-heydr-liyev-v-azrbaycanlq-mfkursi-mvzusunda-konfrans-keirilib.html admin1 gundem / bolge Thu, 30 Mar 2023 18:33:38 +0400









İsmayıllı rayonunda Ulu Öndər Heydər Əliyevin anadan olmasının 100 illik yubileyi ilə əlaqədar tədbirlər proqramına uyğun olaraq İsmayıllı rayon İcra hakimiyyətinin təşkilatçılığı ilə “Heydər Əliyev və Azərbaycançılıq məfkurəsi” mövzusunda konfrans keçirilib.
Əvvəlcə ümummilli lider Heydər Əliyevin abidəsi gül dəstələri ilə ziyarət olunub, Ulu Öndərin əziz xatirəsi dərin ehtiramla anılıb.
Heydər Əliyev Mərkəzində davam edən Konfransda İsmayıllı Rayon İcra Hakimiyyətinin başçısı Nahid Bağırov, Dağlıq Şirvan Regional Təhsil İdarəsinin müdirinin səlahiyyətlərini müvəqqəti icra edən, əməkdar müəllim Rövşən Əliyev, YAP İsmayıllı rayon təşkilatının sədri Zaur Muradov, RİH-in məsul şəxsləri, idarə, müəssisə və təşkilatların rəhbərləri, şəhid ailələri, Vətən müharibəsi iştirakçıları və rayon ictimaiyyəti iştirak edib.
Konfransda çıxış edən Rayon İcra Hakimiyyətinin başçısı Nahid Bağırov istər sovet dövründə, istərsə də Azərbaycan 1991-ci ildə müstəqillik əldə etdikdən sonra ölkədə azərbaycançılıq ənənəsinin formalaşmasının əsası məhz ümummilli lider Heydər Əliyev tərəfindən qoyulmuş və bu günə qədər Ulu Öndərin ideyalarının layiqli davamçısı cənab Prezidentimiz İlham Əliyev tərəfindən uğurla davam etdirildiyini vurğulayıb.
Çıxışçılar ötən illər ərzində Azərbaycan xalqının ümummilli lider Heydər Əliyevin azərbaycançılıq məfkurəsinə sadiq qaldığını və onu inkişaf etdirdiyini qeyd ediblər. 1988-ci ildən Ermənistanla Azərbaycan arasında davam edən müharibə nəticəsində 20 faiz Azərbaycan torpaqlarının işğal faktını heç vaxt qəbul etməyən Azərbaycan münaqişənin birdəfəlik köklü həll olunması və ərazilərin işğaldan azad olunaraq köçkün və qaçqın soydaşlarımızın öz torpaqlarına geri qayıtması tələb kimi ortaya qoyulmuşdur. Bunun nəticəsi olaraq 2020-ci ildə 44 günlük müharibə dövründə biz Azərbaycan xalqının bir an belə dayanmadan necə vahid bir gücə çevrildiyinin və böyük əzm ilə vətəndaş borcunu göstərərək Müzəffər Orduya rəhbərlik edən Cənab Ali Baş Komandan İlham Əliyevin ətrafında birləşərək “Dəmir Yumruğa” çevrildiyinin şahidi olduq. Məhz azərbaycançılıq ideologiyası 30 ildən bəri davam edən münaqişənin bitməsinə və Azərbaycanın qələbə çalmasına yol açdı.
Sonda rayon təşkilatında səmərəli fəaliyyətinə görə, Ümummilli lider Heydər Əliyevin 100 illik yubileyi münasibətilə fərqlənən bir qrup partiya fəalları YAP İsmayıllı rayon təşkilatının fəxri fərmanları və partiyaya yeni qəbul olunmuş şəxslərə üzvlük vəsiqələri təqdim edilib.]]> true https://via.az/bolge/25097-din-hesabat.html admin1 bolge Thu, 30 Mar 2023 09:00:44 +0400 Ağstafa Rayon Polis Şöbəsinin və Dəmir Yolu Nəqliyyatında Polis İdarəsinin Gəncə Xətt Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində 2009-cu il təvəllüdlü Ağstafa rayon sakini Cavanşir Bədirovu öldürməkdə şübhəli bilinən rayon sakini, 2006-cı il təvəllüdlü Y. Əhmədov saxlanılaraq istintaqa təhvil verilib. Fakla bağlı Ağstafa Rayon Prokurorluğunda araşdırmalar davam etdirilir]]> true https://via.az/gundem/25041-bilsuvarda-keiriln-mliyyatlarda-12-kiloqrama-yaxn-narkotik-v-silah-akarlanb.html admin1 gundem / bolge Fri, 03 Mar 2023 17:00:01 +0400
Biləsuvar Rayon Polis Şöbəsinin əməkdaşlarının keçirdikləri əməliyyat zamanı narkotik vasitələrin qanunsuz dövriyyəsində şübhəli bilinən Şirvan şəhər sakinləri Elmir Salmanov və Kamran Dadaşzadə Ələt-Astara magistral yolunun Biləsuvar rayonu ərazisindən keçən hissəsində saxlanılıblar. Elmir Salmanovun üzərindən və Kamran Dadaşzadəyə məxsus avtomobildən 12 kiloqram narkotik, o cümlədən 5 kiloqram psixotrop maddə metamfetamin, 5 kiloqram tiryək, 2 kiloqrama yaxın həşiş qətranı, heroin, marixuana və 400 ədəd metadon həbi aşkarlanaraq götürülüb.
Şöbə əməkdaşlarının keçirdikləri digər əməliyyat nəticəsində saxlanılan rayon sakini Elgün Həsənovdan isə 1 ədəd “PA-63” markalı tapança, həmin silaha aid sandıqça, 6 ədəd patron və 1 ədəd gecəgörmə cihazı aşkarlanaraq götürülüb.
Qeyd edək ki, Biləsuvar Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində son 1 ay ərzində narkotik vasitələrin qanunsuz dövriyyəsində şübhəli bilinən ümumilikdə 20 nəfər saxlanılıb, qanunsuz dövriyyədən 25 kiloqramdan artıq narkotik vasitə çıxarılıb.]]> true https://via.az/bolge/24896-ouzda-bir-nfr-ov-zaman-xsart-alb.html admin1 bolge Thu, 02 Feb 2023 14:14:52 +0400 Daxili İşlər Nazirliyinin Mətbuat Xidmətinin Şəki regional qrupundan verilən məlumata görə, fevralın 1-də Oğuz rayonunun Dəymədağlı kəndi ərazisində bir nəfərin odlu silahdan açılan atəş nəticəsində xəsarət alması barədə rayon polis şöbəsinə məlumat daxil olub.
Polis əməkdaşları tərəfindən aparılan araşdırmalarla həmin vaxt ov edən Bərdə rayon sakini Hüseyn Cavadovun ehtiyyatsızlıqdan tüfəngdən açdığı atəşdən Habil Abdullayevin xəsarət alması müəyyən olunub. Yaralıya xəstəxanada ilkin tibbi yardım göstərildikdən sonra evə buraxılıb. Hüseyn Cavadovdan isə müvafiq sənədləri olan ov tüfəngi götürülüb.
Faktla bağlı araşdırma aparılır.]]> true https://via.az/bolge/22240-aztu-nqliyyatda-ictimai-xidmtrin-keyfiyytinin-qiymtlndirilmsi-mqsdil-pilot-layihnin-icrasna-balad.html admin1 bolge Tue, 23 Feb 2021 10:45:22 +0400

Abşeron və Qobustan rayonlarında ictimai nəqliyyatın keyfiyyətinin qiymətləndirilməsi məqsədilə “İctimai xidmətlərin əhatəliliyinin və keyfiyyətinin artırılması üçün qərar qəbuletmə mexanizmlərinin işlənməsi” pilot layihəsinin təqdimatı keçirilib. Təqdimat mərasimində Milli Məclisin, Azərbaycan Texniki Universitetinin (AzTU) və İctimai Şurasının, Abşeron və Qobustan rayon icra hakimiyyətlərinin, ERA Marketing Center şirkətinin və BMT-nin İnkişaf Proqramının nümayəndələri iştirak edib.

AzTU-nun rektoru Vilayət Vəliyev bildirib ki, pilot layihədə ən önəmli məqam bakalavr və magistrlərin prosesə cəlb olunmasıdır. Layihənin ən böyük uğuru isə özəl sektorun, beynəlxalq təşkilatın, icra hakimiyyəti və qanunverici orqanların, ali təhsil müəssisəsi və ictimaiyyətin birgə işləməsidir. Rektor deyib ki, universitetdə olan elmi-tədqiqatlar birbaşa əmək bazarı ilə əlaqəli olmalıdır. İlkin pilot layihə AzTU üçün baza rolunu oynayacaq. Bu həm də tədqiqat mədəniyyətinin formalaşmasına müsbət təsir edəcək. Hazırda tədqiqtların biznesdən kənarda qaldığını vurğulayan rektor qeyd edib ki, belə layihələr universitet-sənaye işbirliyinin formalaşması baxımından çox əhəmiyyətlidir.

Milli Məclisin 50 saylı Abşeron-Qobustan seçki dairəsi üzrə deputatı, layihənin həmmüəlliflərindən biri Şahin Seyidzadə belə bir layihənin Abşeron və Qobustan ərazisində həyata keçirilməsinin təqdirəlayiq addım olduğunu deyib. Bildirib ki, sözügedən ərazi nəqliyyatla bağlı həssas ərazidir. Millət vəkili qeyd edib ki, layihənin kağız üzərində qalmaması üçün sorğunun nəticəsi müvafiq qurumlara göndəriləcək.

Abşeron və Qobustan rayon icra hakimiyyətlərinin nümayəndələri də təmsil etdikləri qurum tərəfindən ərazidə nəqliyyat sisteminin keyfiyyətinin artırılması istiqamətində təkliflər və tövsiyyələrin hazırlanıb təqdim ediləcəyini qeyd edib.

Tədbirdə çıxış edən BMT-nin İnkişaf Proqramının İnnovasiyalar tədqiqi rəhbəri Leyla Seyidzadə pilot layihədə innovasiyaların tətbiqi üçün böyük potensialın olduğunu deyib. O, layihənin zənginləşdirilməsi ilə bağlı xarici ekspertlərlə birgə əməkdaşlığın əhəmiyyətini vurğulayıb.

Daha sonar layihənin rəhbəri, AzTU-nun müəllimi Fuad Daşdəmirov görüləcək işlərlə bağlı məlumat verib. Bildirib ki, ilkin olaraq AzTU tələbələri əhali arasında sorğu keçirəcək və həmin məlumatlar emal olunacaq. Daha sonra məlumatlar təhlil olunaraq tədbirlər planı işlənəcək. Növbəti mərhələdə layihə üzrə elmi-tədqiqat işləri aparılacaq və yekun nəticə barədə ictimaiyyətə məlumat veriləcək.

Sorğu və planlaşdırılan işlər haqqında məlumat verən ERA Marketing Center şirkətinin direktoru Elmir Qasımov bildirib ki, əhali arasında sorğuların aparılması ilə bağlı AzTU tələbələri üçün təlim keçirilib. Sorğu zamanı sualların tərtibi, layihənin keçirildiyi ərazinin GPS koordinatlarının alınması və s. məlumatlar tələbələrin diqqətinə çatdırılıb. Eyni zamanda planşetlər vasitəsilə aparılacaq sorğuda texniki qaydalar, istifadə olunacaq proqramlar barədə də tələbələr məlumatlandırılıb. Elmir Qasımov qeyd edib ki, Abşeron rayonunda 6, Qobustanda isə 5 gün aparılacaq sorğunun keçirilməsinə ümumilikdə 12 tələbə cəlb olunub. Sorğuda əhali arasından 700 nəfərin iştirakı nəzərdə tutulub.

O da vurğulanıb ki, vətəndaşların nəqliyyatla bağlı səsləndirdiyi problemlərin ilk dəfə olaraq elmi cəhətdən həlli təcrübə olaraq digər sahələrdə də tətbiq edilməlidir.

Qeyd edək ki, layihənin aprel ayında başa çatması planlaşdırılıb.

]]> true https://via.az/bolge/22234-smayllya-investisiyalarn-clb-olunmas-il-bal-gr-keirilib.html admin1 bolge Wed, 17 Feb 2021 17:08:16 +0400

Fevralın 17-də İsmayıllı Rayon İcra Hakimiyyətinin inzibati binasında rayon icra hakimiyyətinin başçısı və “TET International Development” MMC-nin qanuni təmsilçisi, “Oguz Agro Industry” şirkətinin prezidenti Tarao Savada və nümayəndə heyəti ilə görüş keçirilib.

Görüşdə rayonun rəhbəri yaponiyalı qonaqları salamlayıb, İsmayıllıda görməkdən məmnun olduğunu bildirib. RİH başçısı vurğulayıb ki, Azərbaycanla Yaponiya arasında işgüzar və diplomatik əlaqələr daha intensiv xarakter alıb. Bu əlaqələrin səmərəli nəticələri İsmayıllıda da öz əksini tapıb.

Yaponiyalı iş adamları ilə birgə rayonda biznes missiyalarının təşkilinə və qarşılıqlı maraq doğuran digər məsələlərə dair fikir mübadiləsi aparılıb. Yaponiya investorları tərəfindən rayonda turizm, kənd təsərrüfatı və digər sahələrə marağın olduğunu qeyd olunub. İsmayıllıda xarici və yerli investorlar üçün əlverişli biznes və investisiya mühitinin olduğunu vurğulanıb.

Xatırladaq ki, 2013-cü il noyabrın 22-də İsmayıllı və Yaponiyanın İto şəhərləri arasında qarşılıqlı dostluq mübadiləsi haqqında saziş imzalanıb. 2014-cü ildən başlayaraq İsmayıllı məktəbliləri ilə İto beynəlxalq “Home-stay” klubu arasında müəllim-tələbə əməkdaşlıq proqramı həyata keçirilir.

Yaponiyanın Azərbaycandakı səfirliyinin maliyyə dəstəyi ilə İsmayıllıda bir çox layihələr –yapon bağı, uşaq bağçası, tibb məntəqəsi və məktəb binalarının tikintisi, içməli su çəkilişi, suvarma sistemləri və sair layihələr həyata keçirilib.

Rayon İcra Hakimiyyətinin təşəbbüsü ilə İsmayıllıya yerli və xarici investorların cəlb olunması üçün işlər davam etdirilir.


]]> true https://via.az/gundem/22190-smayllda-nvbti-df-qazilr-ziyart-olunub.html admin1 gundem / bolge Sat, 16 Jan 2021 13:12:58 +0400
Şəhid ailələrinin, qazilərin hər birinin qayğıları həmişə olduğu kimi, bu gün də İsmayıllı Rayon İcra Hakimiyyətinin diqqətindədir. Tədbirdə RİH-nin başçısı və icra hakimiyyətinin əməkdaşları iştirak edib. Rayon rəhbərliyi Vətən müharibəsində torpaqlarımızın işğaldan azad olunması istiqamətində hərbi əməliyyatlarda yaralanan döyüşçülər və ailələri ilə görüşüb, onların problemləri ilə maraqlanıb, ehtiyacları öyrənilib, sosial problemlərinin həllini daim diqqət mərkəzində saxlanılacağı bildirilib.

Bu dəfəki ziyarətlər rayonun Ruşan, Vəng, Hapıtlı və Kürdmaşı kəndləri istiqamətində olub. RİH başçısı bildirib ki, şəhid ailələri, qazilər və Vətən Müharibəsinin iştirakçıları daim diqqətdə olacaq, onlar hər zaman dövlətimizin və ölkə rəhbərinin qayğısını hiss edəcəklər.

Azərbaycan Respublikasının Prezidenti cənab İlham Əliyevin müvafiq Fərmanı ilə şəhər, rayon icra hakimiyyəti başçılarının aparatlarında yaradılmış “Vətən müharibəsi iştirakçıları və şəhid ailələri ilə işin təşkili şöbəsi” yaradılmışdır. Bu şöbənin əməkdaşları mütamadi olaraq Vətən müharibəsi iştirakçıları və şəhid ailələri tərəfindən qaldırılan məsələlərin həlli üçün zəruri tədbirlər görəcəklər.

Azərbaycan Respublikasının Prezidenti cənab İlham Əliyevin 2020-ci il 8 dekabr tarixli Fərmanı ilə “Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu (“YAŞAT” Fondu) yaradılmışdır. Fondun yaradılması ölkəmizdə şəhid ailələrinə, qazilərə diqqət və qayğının bariz nümunəsidir

Görüş zamanı əsgər və zabitlərimizin qəhrəmanlığından söz açılıb, Vətən müharibəsi iştirakçılarının döyüş təəssüratları dinlənilib, döyüşlərdə əsgər və zabitlərimiz arasındakı yüksək əhval-ruhiyyədən, qələbə əzmindən bəhs ediblər, rəşadətli ordumuzun döyüşlərdə əldə etdiyi uğurlar barədə danışılıb.

Qazilər və onların ailə üzvləri göstərilən diqqətə görə Prezident İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər, rayon rəhbərliyinə və rayon ictimaiyyətinə təşəkkür ediblər.

]]> true https://via.az/gundem/22140-smayllda-kndlrd-olan-qazilr-ziyart-olunub.html admin1 gundem / bolge Sat, 12 Dec 2020 17:30:35 +0400

İsmayıllı Rayon İcra Hakimiyyətinin başçısı və icra hakimiyyətinin əməkdaşları döyüşdən qayıdan qazilərimizi evlərində ziyarət ediblər. Bu dəfə görüş üçün ünvan Diyallı, Güyüm, Təzəkənd, Pirəbilqasım və Minkə kəndləri seçilib. Ziyarətçilər qazilərimizlə söhbət edib, onların problemləri və qayğıları ilə maraqlanıblar.

RİH başçısı onları şanlı qələbəmiz münasibəti ilə təbrik edib, döyüşlərdə göstərdikləri qəhrəmanlığa görə rayon ictimaiyyəti adından təşəkkür edib. O, bildirib ki, Ali Baş Komandanımız İlham Əliyevin rəhbərliyi ilə qazanılan bu qələbə Azərbaycanın “dəmir yumruğu”nun gücünü dünyaya göstərdi. Bütün dünya bizim ordumuzun gücünü, xalqımızın birliyini və müzəffər Prezidentimizin iradəsini görmüş oldu.

Qazilərimizdə Prezidentimizin gücündən güc alaraq, xalqımızın birliyindən, arxa cəbhənin onlara verdiyi dəstəkdən ruhlanaraq bu qələbəni qazandıqlarını bildiriblər. Onlar öz döyüş xatirələrindən, ordumuzun yenilməzliyindən danışıblar, Bakıda keçirilən Zəfər Paradını qürurla izlədiklərini qeyd ediblər.

Rayon rəhbəri bildirib ki, Prezident İlham Əliyev tərəfindən Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondunun (YAŞAT Fondu) yaradılıb. Bu fond sizlərin gələcəyinizin təminatıdır. Hər bir şəhid ailəsi, hər bir qazimiz əmin ola bilər ki, dövlətimizin, xalqımızın qayğısı və dəstəyi həmişə onlarla olacaq.

Qazilər və onların ailə üzvləri göstərilən diqqətə görə Prezident İlham Əliyev və Birinci vitse-prezident Mehriban Əliyevaya minnətdarlıqlarını ifadə ediblər, rayon rəhbərliyinə və rayon ictimaiyyətinə təşəkkür ediblər.

]]> true https://via.az/gundem/21974-hid-ailsinin-hisslrindn-mqsdlri-n-istifad-ednlr-v-ya-acabdi-rayonundak-hid-ailsinin-tlblri-sasldrm.html admin1 gundem / bolge Thu, 24 Sep 2020 11:00:49 +0400
Son vaxtlar bir sıra KİV-lərdə şəhid ailəsi Xanım Talıbovaya Ağcabədi Rayon İcra Hakimiyyəti tərəfindən qərəzli münasibət göstərilməsi, onların haqqı olan 10 ha torpaq sahəsinin verilməsinə maneələr yaradılması barədə əsası olmayan iddialar yayılır.

Ağcabədi şəhəri Əli Talıbov küçəsi, 77 saylı ünvanda yaşayan, şəhid ailəsi Talıbova Xanım Muxtar qızı Azərbaycan Respublikasının Prezidenti Administrasiyasına, Mərkəzi İcra Hakimiyyəti orqanlarına, Ağcabədi Rayon İcra Hakimiyyətinə və kütləvi informasiya vasitələrinə mütəmadi olaraq ünvanladığı müraciətlərində həyat yoldaşı Talıbov Əli Hüseyn oğlunun Qarabağ müharibəsində şəhid olduğunu, uzun illərdir Ağcabədi Rayon İcra Hakimiyyətinin rəhbərliyinin onların ailə vəziyyəti ilə maraqlanmadıqlarını, dəfələrlə edilən müraciətlərinə cavab verilmədiyini, dövlət tərəfindən onlara köməklik göstərilmədiyini və 1998-ci ildə keçirilən torpaq islahatı vaxtı onlara pay torpaq sahəsinin verilmədiyi halda, rayonun rəhbər işçiləri tərəfindən dövlət və bələdiyyə mülkiyyətinə aid torpaq sahələrinin zəbt olunduğunu qeyd edərək Ağcabədi bələdiyyəsinin ehtiyat fondundan 10 ha əkinə yararlı torpaq sahəsinin ayrılmasını tələb edir. Məsələ ilə bağlı redaksiyamıza Ağcabədi Rayon İcra Hakimiyyəti başçısı aparatının
İctimai-siyasi və humanitar məsələlər şöbəsindən açıqlama daxil olub. Açıqlamada deyilir: “Xanım Talıbovanın həyat yoldaşı Talıbov Əli Hüseyn oğlu 1992-ci ildə Qarabağ müharibəsi zamanı Ağdərə rayonu istiqamətində gedən döyüşlərdə şəhid olmuşdur.

Pay torpaq sahəsinin ayrılması tələbi ilə əlaqədar şəhid ailəsi 2020-ci il 19 mart tarixində rayon İcra Hakimiyyəti başçısının qəbulunda olmuş və qəbul zamanı onlara müraciətləri ilə əlaqədar müvafiq qanunvericilik normaları ətraflı izah edilməklə nəzərlərinə çatdırılmışdır ki, torpaq islahatı 1998-ci ildə başa çatdığından və rayon İcra Hakimiyyəti rayon Aqrar İslahat Komissiyasının hüquqi varisi olmadığı üçün onlara pay torpaq sahəsinin ayrılması mümkün deyildir. Eyni zamanda bildirilmişdir ki, şəhid ailəsi olduqları nəzərə alınmaqla onlara Ağcabədi bələdiyyəsinin ehtiyat fondundan əkinə yararlı torpaq sahəsi ayrıla bilər.
Qəbul zamanı məsələ ilə əlaqədar rayon icra hakimiyyəti başçısının verdiyi tapşırıq və göstəriş əsasında lazımi tədbirlər görülmüş, Ağcabədi bələdiyyəsi tərəfindən müvafiq sənədləşmə işləri aparılmış və koronavirus (COVİD-19) infeksiyası ilə əlaqədar xüsusi karantin rejimi tətbiq edildiyi üçün müəyyən ləngimələrə baxmayaraq, Xanım Talıbovaya icarə qaydasında ayrılması nəzərdə tutulan və onların istədiyi 10,0 ha torpaq sahəsi üçün tələb olunan sənədlər aidiyyəti üzrə Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin “Kadastr və Yerquruluşu Layihə-Tədqiqat Mərkəzi” MMC-yə təqdim edilmişdir. Müvafiq qurum tərəfindən araşdırma aparılan zaman məlum olmuşdur ki, həmin torpaq sahəsi iki nəfər vətəndaşın mülkiyyətindədir.

Bundan sonra şəhid ailəsinə əlavə olaraq Ağcabədi bələdiyyəsinin mülkiyyətində olan müxtəlif ərazilərdən kənd təsərrüfatı təyinatlı 10 ha və 7 ha torpaq sahəsi təklif edilmiş, lakin, onlar həmin sahələrin uzaq olduğunu bəhanə gətirərək təklif olunan torpaq sahələrindən imtina etmişlər. Bu gün də onlara torpaq sahəsinin hərrac yolu ilə icarəyə götürülməsi təklif edilir.

Eyni zamanda, Xanım Talıbova müraciətlərində onlara şəhid ailəsi kimi heç bir imtiyaz tətbiq edilmədiyi və köməklik göstərilmədiyini iddia etmişdir. Bu müraciətlərlə əlaqədar rayon İcra Hakimiyyəti tərəfindən araşdırma aparılmış və yaranmış zərurətlə əlaqədar “Yerli icra hakimiyyətləri haqqında Əsasnamə”nin 4.1.16-cı bəndinə əsasən aidiyyəti orqanlara sorğu göndərilmişdir. Lakin göndərilmiş sorğunun mətni qərəzli şəkildə təhrif olunaraq şikayətçiyə ötürülmüşdür.

Aparılan araşdırma nəticəsində məlum olmuşdur ki, dövlət tərəfindən hər bir şəhid ailəsinə tətbiq edilən imtiyaz və güzəştlərdən şəhid Əli Talıbovun ailəsi də kənarda qalmamışdır. Belə ki, şəhidin həyat yoldaşı Talıbova Xanım Muxtar qızı 2011-ci ildə Azərbaycan Respublikasının Əmək və Əhalinin Sosial Müdafiəsi Nazirliyinin xətti ilə tikilmiş Ağcabədi şəhəri Ü.Hacıbəyli prospektində 36 mənzilli binadan ümumi yaşayış sahəsi 42,5 m2 olan 2 otaqlı mənzillə təmin edilmişdir. Şəhidin vaxtilə yaşadığı küçəyə onun adı verilmiş və şəhidin övladı Talıbov Rauf Əli oğluna Ağcabədi bələdiyyəsinin 12.04.2007-ci il tarixli 06 saylı iclas protokolunun qərarı ilə sahibkarlıq məqsədi üçün 30 il müddətinə 32 m2 torpaq sahəsi ayrılmış, orada mağaza tikilmiş, eyni zamanda Rauf Talıbova bələdiyyədən alqı-satqı qaydasında almış və xüsusi mülkiyyətində olan 0,013 ha torpaq sahəsində Ağcabədi Rayon İcra Hakimiyyəti başçısının 27.12.2013-cü il tarixli 244 saylı sərəncamı ilə 130 m2 ölçüdə ticarət mərkəzinin tikintisinə icazə verilmiş və hazırda inşası başa çatmış obyekt istifadələrindədir.

Qeyd edək ki, Xanım Talıbovanın övladı Talıbov Hüseyn Əli oğlu 09 fevral 2020-ci il tarixdə Azərbaycan Respublikasının Milli Məclisinə keçirilən seçkilərdə 82 saylı Ağcabədi Seçki Dairəsindən bitərəf namizəd kimi iştirak etmiş, lakin cəmi 1126 səs (4,27%) toplayaraq seçkidə məğlub olmuşdur. Şəhid ailəsinin yuxarı instansiyalara müraciətləri də məhz bundan sonra mütəmadi hal almışdır. Həmçinin araşdırma zamanı məlum olmuşdur ki, Xanım Talıbovanın adından mütəmadi olaraq müraciəti övladları göndərir.

Xanım Talıbova rayon İcra Hakimiyyətinin onun əsassız iddialarını haqsız çıxaran araşdırmasından hiddətlənərək müxtəlif instansiyalara və kütləvi informasiya vasitələrinə müraciətlər etmiş və bu müraciətlərdə rayon rəhbərliyini, müavinlərini, RİHB aparatının şöbə müdirlərini cinayətkar adlandıraraq ünvanlarına şər və böhtan atmışdır. Görəsən ayrı-ayrı KİV-lər qarşı tərəfin mövqeyini öyrənmədən qərəzli və həqiqəti əks etdirməyən, şəhid ailəsinin hisslərindən öz məqsədləri üçün istifadə etməklə xəbərlər yaymaqda böyük məsuliyyət daşıdıqlarının fərqindədirlərmi?]]>