Qazax şəhər 2 nömrəli Uşaq Musiqi Məktəbi 9 noyabr Bayraq günü ilə əlaqədar "Bayraq bir daha enməz" adlı konsert proqramı təqdim edib.
Qazax rayon Mədəniyyət Mərkəzində keçirilən tədbirdə Dövlət Himni səsləndirilib, Şəhidlərimizin əziz xatirəsi 1 dəqiqəlik sükutla yad edilib.
Məktəbin direktoru Ramil Qurbanov bu əlamətdar gün münasibətilə tədbir iştirakçılarını təbrik edib. Bu günün mahiyyətindən danışan direktor Prezident İlham Əliyevin dövlətçiliyimizin möhkəmləndirilməsi sahəsində gördüyü işlərdən, dövlət atributlarımıza xüsusi diqqət və qayğısından söz açıb. O, şagirdlərə dövlət kimi varlığımızın sübutu olan, uğrunda minlərlə şəhid verdiyimiz bayrağımızı uca tutmağı tövsiyə edib.
Tədbirin bədii hissəsi məktəbin müəllim və şagirdlərinin ifasında musiqi nömrələri və şeirlərlə davam etdirilib.
