YAP Ağcabədi rayon təşkilatı 15 iyun Milli Qurtuluş günü münasibətilə təsdiq edilmiş tədbirlər planına müvafiq olaraq bir sıra tədbirlər keçirmişdir.
İyun ayının 10-da Ağcabədi “Asan xidmət” mərkəzində keçirilən tədbiri YAP Ağcabədi rayon təşkilatının sədri Rövşən Əhmədov açaraq tədbir iştirakçılarını Milli Qurtuluş günü və Ağcabədi Regional “Asan xidmət” mərkəzinin fəaliyyətə başlamasının ildönümü münasibətilə təbrik etmişdir. Rövşən Əhmədov demişdir ki, Azərbaycanda Asan xidmət mərkəzlərinin fəaliyyətə başlamasından 12 il keçir.Bu müddət ərzində “Asan” xidmət mərkəzlərinin sayı və coğrafiyası genişlənib. Milyonlarla insan bu xidmətdən yararlanaraq demək olar ki, heç bir məmurla təmasda olmadan, qısa müddətdə və şəffaf şəkildə ona lazım olan sənədi düzəldə bilir və lazımi xidmətdən istifadə edir. “Asan xidmət” mərkəzlərinin yaradılması Azərbaycan Respublikasının Prezidenti cənab İlham Əliyevin təşəbbüsü ilə həyata vəsiqə qazanmış, hazırda Azərbaycan Brendi kimi vətəndaşlara innovativ xidmətlər göstərilməsində çox önəmli bir xidmət sahəsinə çevrilmişdir.
Tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov çıxış edərək, Respublikamızın bir çox bölgələrində olduğu kimi Ağcabədi rayonunda da “Asan xidmət” mərkəzinin fəaliyyətə başlamasından ötən 1 il ərzində 136 min nəfərdən artıq əhaliyə xidmət göstərildiyini qeyd etmişdir.
Tədbirdə Ağcabədi Regional “Asan xidmət” mərkəzinin bir qrup gənc üzvünə YAP vəsiqələri təqdim edilmişdir.
İyunun 12-də YAP Ağcabədi rayon təşkilatı Milli Qurtuluş günü münasibətilə iməcilik təşkil etmişdir. İməcilikdə ağaclar əkilmiş, əvvəllər əkilmiş ağaclara qulluq edilmiş, suvarılması həyata keçirilmişdir.
YAP Ağcabədi rayon təşkilatı iyun ayının 14-də Milli Qurtuluş günü münasibətilə videokonfrans keçiriləcəkdir.
